Viron Kona:Poezi

Viron Kona

Dikut buzët më s`i dhembin
            -Gazmore-

-Diku na kanë ardhur miq,
merr gërnetën dhe shko bjeri!
-M`dhembin buzët, miqtë e mi,
jam keq, oh, unë  i  mjeri!

Njëri lutu, tjetri lutu,
ai ngrihet me përtesë,
gër e gër gërnetës, Diku,
sikur bën kafe ekspres.

-Jua thashë, o miqtë e mi,
me këto buzë s`i bie dot,
po s`u gjet ilaçi i duhur,
s`do të ketë aheng sot.

Viron Kona:Poezi

    Viron Kona

Peizazh

Grindemi si drerët,
në lëndinë me bar,
“brirët” i përplasim,
bam e bum përballë.

Se kam fajin unë,
e ke fajin ti...,
sa do zgjas sherri,
askush nuk e di!
 
Kalojnë disa orë,
atmosfera zbutet,
sedra dhe inatet,
nisin e lëkunden.

Në natën e gjatë,
arsyetojmë më qetë,
se kush e kish fajin,
kush kishte të drejtë.

Ja  vjen dita e re,
ngrihemi ngadalë,
unë  dredh cigaren,
ajo xhezven në zjarr.

Prezentim libri

Me 20.04.2018 ne ora 18.00 në Pallatin e literaturës në Göteborg, Rr. Heurlins plats 1. bëhet prezentimi i tetë (8) romaneve në gjuhën suedeze të shkrimtarit tonë Hamit Gurguri. Për të njejtat do të paraqiten recenzionet para artdashësve suedezë e shqiptarë. Për pjesëmarrës do te shtrohet një koktel.
Mirë se vini.
Organizatorët:
Qendra e shkrimtarve për perendim në Göteborg,
Qendra kulturore shqiptare "Migjeni" nga Boråsi dhe 
Shshash "Papa Klimenti XI - Albani".