Dituria

  • Rrit madhësinë e fondit
  • Madhësia normale e fontit
  • Ul madhësinë e fontit

Murat Gecaj: TË LUMTË, SHQIPËRIA IME!

Skicë:

TË LUMTË, SHQIPËRIA IME!

Nga: Prof. Murat Gecaj

publicist e studiues-Tiranë

 


Tani, kur po i shkruaj këto pak radhë, është mesdita e datës 21 shtator 2014. Të gjithë bashkëkombësit e mi, që ndodhen në Sheshin “Nënë Tereza” të kryeqytetit, por dhe përgjatë Bulevardit “Dëshmorët e Kombit” e kudo në Shqipëri e trojet tjera amtare, me sy e mendje të përqëndruar kanë ndjekur dhe po ndjekin me interes të jashtëzakonshëm mbërritjen në vendin tonë të Papa Françeskut. Ndërkaq, ata po përcjellin me shumë vëmendje Meshën e Shenjtë, që ai po drejton, bashkë me ndihmëtarët e vet.

I zbritur në Aeroportin Ndërkombëtar “Nënë Tereza” të Rinasit, në mengjesin e kësaj të diele, përmes rrjeteve të fuqishme audivizive, ne pamë që kreu i Vatikanit e përshkoi “Rrugën e Durrësit” i pritur me gëzim e brohoritje nga qindra veta. Por, në saj të mjaft gazetarëve të ardhur nga vende të ndryshme të Europës e botës, kjo ngjarje historike u përcoll për miliona besimtarë katolikë dhe të interesuar të tjerë.

Në Tiranën tonë, Papa Francesku u ndodh ndërmjet një befasie shumë të këndshme, emocionuese dhe, ndoshta, të papërjetuar ndonjëherë më parë prej tij. Kështu, duke “prishur” dhe portokollin e hartuar, ai hyri nëpër “tunelin” e madh njerëzor dhe të stërgjatë, ku binin në sy portretet e martirëve të fesë katolike, i shoqëruar me lule e brohoritje të fuqishme nga besimtarët e të gjitha feve, të cilët kishin dalë për ta pritur dhe nderuar atë. Ishte ky një rit i njohur e traditë shumëshekullore e shqiptarëve, për ta pritur mikun në shtëpinë e tyre.

Sapo mbërriti në afërsi të Sheshit “Nënë Tereza”, Papa Françeskut iu ofrua një pritje e paharruar, nga Presidenti i Republikës, Bujar Nishani. Pas fjalës mireseardhëse të tij në mjediset e Presidencës, Papa Françesku iu drejtua shqiparëve me fjalë zemre e dashamirëse. Ai i bekoi ata për paqe, harmoni fetare dhe përparim të pandalshëm, drejt Europës së Bashkuar.

Gëzimin dhe lumturinë e tij ne e pamë të shprehur aq natyrshëm, kur i përshendeste parreshtuar mikpritësit e zjarrtë shqiptarë, të moshave e feve të ndryshme. Papa Francesku u përkul nga makina e tij e hapur, i përqafoi dhe i bekoi disa fëmijë. Me siguri, kjo gjë do të jetë lumturi e gjatë për ata dhe një kujtim, që rrallë u përsëritet në jetë.

Emocionuese ishte edhe kur, para Meshës së Shenjtë, kryebashkiaku Lulëzim Basha i dorëzoi atij, simbolikisht, Çelësin e kryeqytetit Tiranë.

Nuk e di as se çfarë mendojnë besimtarët katolikë të Romës e më gjerë, në Italinë fqinje, por mendoj që, me pritjen madhështore që iu rezervua Papa Françeskut dhe me Meshën e Shenjtë, që u mbajt në Sheshin “Nënë Tereza”, u konkurrua me dinjitet me atë, në Sheshin “Shën Pjetri” të Vatikanit.

Mesazhi i të gjitha veprimtarive të deritanishme dhe i atyre, që do të organizohne deri në mbyllje të tërë vizitës afër 12-orëshe të Papa Franceskut në Shqipëri, është: Paqe, vëllazërim e mbarësi për të gjithë shqiptarët.

Sonte, por edhe nesër e më gjatë, nuk do të reshtin komentet e shkrimet rreth kësaj vizite historike të Papa Françeskut në Shqipëri, e cila e pason atë të Papa Gjonpalit II, në vitin 1993. Bazuar në ato çfarë panë e dëgjuan, ata nuk kanë si të mos shkruajnë me nota pozitive e dashamirëse për Atdheun tonë, për tërë këtë pritje të shumëpritur dhe e cila do të ruhet gjatë, në kujtesën e bashkëkombësve të mi.

Prandaj, si gjithë të tjerët, kam arsye që sot të ndjehem krenar dhe nga zemra të shprehem: “Të lumtë, Shqipëria ime, vendi i paqes e përparimit dhe i bashkëjetesës shembullore fetare!” Në këtë udhë, “çelësin” e hyrjes në Bashkësinë e Europiane e kemi në duart tona.

Tiranë, 21 shtator 2014

Ora, 13.00

 

Ibrahim Hajdarmataj: TIRANË: ARRITI NUMRI I RI I REVISTËS “DITURIA”

TIRANË: ARRITI NUMRI I RI I REVISTËS “DITURIA”


Nga: Ibrahim Hajdarmataj

1.

Është viti i 8-të që, në Boras të Suedisë, botohet revista e përmuajshme me emrin simbolik, “Dituria” dhe e-mail: Ky email po mbrohet prej spambots-ave, të duhet JavaScript me e pa . Atë e përgatitë dhe e nxjerr në qarkullim Qendra Kulturore Shqiptare “Migjeni” e atij qyteti. Kryeredaktor i revistës është publicisti, shkrimtari dhe arsimtari Sokol Demaku. Ndërsa, në këshillin botues bëjnë pjesë disa veta, si nga Suedia, por dhe nga trojet shqiptare.

Në vazhdim të numrave të mëparshëm, këto ditë, pra në shtator 2014, doli numri i ri 7, i kësaj reviste. Disa kopje të saj, redaksia i dërgoi për bashkëpunëtorë e miq të saj dhe arritën në kryeqytetin Tiranë. Gjithësej, revista ka 24 faqe dhe shkrimet ilustrohen me mjaft fotografi.


Ballinat e nr.7, të Revistës “Dituria”, Boras-Suedi

2.

Ja, po nisim ta shfletojmë këtë numr të ri të revistës “Dituria”. Në faqen e parë dhe, me vazhdim në katër faqe të tjera, në rubrikën “Nga mërgata”, është botuar reportazhi i Sokol Demakut, “Me shqiptarët e Athinës”. Siç është e kuptueshme, në fillim, autori jep disa të dhëna për këtë kryeqytet të Greqisë. Autori i shkrimit, aty përuroi e paraqiti para bashkatdhetarëve librin e tij me poezi, “Lundra ime”. Përveç të tjerëve, ishte i pranishëm Ambasadori i Republikës së Shqipërisë, Dashnor Dervishi. Për këtë libër foli gazetarja e mësuesja Bardha Mançe. Gjithashtu, folën edhe të ftuar tjerë, të cilët e uruan autorin S.Demaku për krijimtarinë e tij. Më tej, në këtë reportazh flitet për organizimin e një mbrëmjeje të bukur dhe mbresëlënëse, me anatarë të Shoqërisë shqiptare “Vëllazërimi”, për jetën e tyre në shtetin fqinj etj.

Tashmë, është bërë e njohur se, me nismën e Sokol Demakut u botuan në Tiranë 1.000 kopje të libri për fëmijë “Djali e Tigri”, me autor shkrimtarin suedez Lars Vestman. Një pjesë të këtyre librave i dhuroi vetë Sokoli, për shkollat 9-vjeçare të qyteteve Tiranë e Durrës dhe Mirditë, por dhe i dërgoi në shkolla të Tetovës. Ndërsa, disa nga këta libra pata kënaqësinë që t’i dërgoja unë, në shkollën e fshatit Zogaj, në Malësinë e Gjakovës (Tropojë) dhe në një shkollë e në bibliotekën e qytetit të Gjakovës. Një shkrim për këtë gjë, është botuar në faqet vijuese të kësaj reviste.

Në rubrikën “Intervista e Diturisë” është botuar biseda e prof. Murat Gecaj, me poeten e talentuar Mimoza Agalliu. Aty, ajo flet shkurtimisht për jetën dhe botimet e saj. Ndërsa autori Sejdo Harka boton portretin e publicistit dhe studiuesit të njohur, prof. Murat Gecaj.

Si zakonisht, vend me rëndësi në këtë revistë i jepet krijimtarisë letrare. Kështu, në prozë është botuar tregimi me autor Kristaq Turtullin, “Mëdyshje” dhe një fragment nga Vilhelme Vranari-Haxhiraj, me titullin “Faktori kohë, si vlerë”. Ndrsa në “Faqen e poezisë” janë botuar krijime të reja nga autorët: Mimoza Mezini, Delvina Kërluku, Gentiana Zagoridha, Neki Lulaj, Mirvete Kabashi-Leku e Sadije Aliti.

Në mbyllje janë botuar materiale për argëtimin e lexuesve të moshaave të ndryshme, si nga Bardhyl Selimi për matematikën dhe më tej, “Anekdota popullore shqiptare”.

E përgëzojmë stafin e revistës “Dituria” për botimin e këtij numri të ri dhe lexim të këndshëm, për lexuesit!

Tiranë, 7 shtator 2014

 

”SOFRA POETIKE BORÅS”

QENDRA KULTURORE SHQIPTARE ”MIGJENI”- BORÅS SUEDI DHE

SHSHASH ”PAPA KLEMENTI I XI ALBANI” NË SUEDI

Ftojnë krijuesit, artadashësit dhe gjithë pasionantët e fjalës së shkruar artistike në

MANIFESTIMIN POETIK TRADICIONAL”SOFRA POETIKE BORÅS” NË BORÅS-SUEDI

Qendra kulturore shqiptare “Migjeni” në Borås, Suedi, në bashkëpunim me Shoqatën e Shrkimtarëve dhe Artistëve Shqiptar në Suedi ”Papa Klementi i XI Albani” për herë të dytë organizon manifestimin letrar me titull ”Sofra poetike”, një manifestim tradicional për klultivimin dhe ruajtjen e poezisë shqipe në mërgatë. Në këtë manifestim që do të mbahet në javën e fundit të muajit mars 2015, ftohen poetë shqiptarë nga Skandinavia dhe vende të tjera nga Evropa, nga Shqipëria, Kosova, Maqedonia, Mali i Zi anëtarë të Shoqatës së Shkrimtarëve, Artistëve Shqiptarë në Suedi, poetë suedezë, anëtarë të Lidhjes së Shkrimtarëve Suedez (Svenska Författare Förbundet), simpatizantë të fjalës së shkruar si dhe mysafirë nga vende tjera.

Lusim të gjithë poetët, krijues letrarë, të cilët kanë dëshirë të marrinë pjesë në ”Sofrën poetike Borås” në Borås që më së largut deri me 20 dhjtor 2014 të na dërgojnë nga tri poezi (punime origjinale të tyre) në adresën Ky email po mbrohet prej spambots-ave, të duhet JavaScript me e pa Ky email po mbrohet prej spambots-ave, të duhet JavaScript me e pa , në mënyrë që juria e formuar për këtë manifestim t`i shikojë punimet dhe t`i bëjë përgatitjet e duhura për manifestimin, ku me këtë rast do ndahen edhe shpërblime për poezinë më të mirë (tri shpërblime) tri nga ShShASh dhe tri nga QKSH Migjeni, për poetin më të suskesshëm, për poezinë më të mirë, për poezinë e mërgimit, librin më të mirë dhe prezentuesin më të mirë të punimit te tij si dhe shumë shpërbilme tjera.

Qëllimi i këtij manifestimi është që t`i afrojë njërin më tjetrin krjiuesit shiqptarë si dhe me krijuesit e vendit ku ne jetojmë dhe veprojmë, pra me poetë suedez dhe poetë kombesh e kombesish tjera që jetojnë dhe veprojnë këtu.

Mbesim me shpresë se ky manifestim do gjejë mbështjetjen tuaj për të filluar dhe të bëhet manifestim tradicional i poetëve tanë në mërgatë.

Ky email po mbrohet prej spambots-ave, të duhet JavaScript me e pa Ky email po mbrohet prej spambots-ave, të duhet JavaScript me e pa

Mirë se vini me punimet e Juaja në këtë manifestim letrar të mërgatës sonë.

QKSH ”Migjeni” Borås, Suedi

 

NJË BALONË NË AJRË, NJË MIQËSI MË SHUMË

Sokol Demaku

NJË BALONË NË AJRË, NJË MIQËSI MË SHUMË


Është muaji gusht, muaji i fillimit të vitit të ri shkollore në shtete skandinave, muaj i ardhmërisë sonë. Ne këto ditë ishim në një shkollë fillore ketu në Suedi, më përsë afermi në Fjärdinskolan të qytetit Borås, cili shtrihet në Suedinë përendimore afër qytetit të dytë me të madh suedez Göteborg. Në këtë shkollë vijojnë mësimit mbi 65 fëmijë shqiptar duke filluar nga klasa parashkollore deri në klasën e gjashtë në kuadër të 360 nxënësve sa ka gjithë shkolla. Duhet përmendur faktin sa ne mësuam këtu se në këtë shkollë fliteshin 32 gjuhë botërore nga nxënësit e saj.

Në Fjärdingskolan të qytetit Borås të Suedisë është bërë traditë që fillimi i vitit shkollor të festohet më lëshim balonash në qiell. E ky është viti i kaërtë më radhë që nxënësit e kësaj shkolle ne muajin gusht në muajine fillimit të vitit të ri shkollore kanë festë, festëne e fillimit të vitit të ri shkollor si dhe festëne balonëve.

Ne ishim mysafire në këtë shkollë më rastin e fillimit solemn të vitit të ri shkollore e që këtu ishte traditë që në javën e dytë të fillimit të mësimit nxënësit e shkollës të lëshojnë në ajrë balona në shenjë mirësie, mirëqenje dhe respekti. Ishte viti i katërt që nga nxënësit e kësaj shkolle kjo ishte bërë traditë dhe kishte efektin e saj pozitiv në ketë drejtim.


Vitin e kaluar ishin lëshua mbi 288 balonë të lidhurë në 24 tufë për secilën klasë me një letër shkruar nga sejcila klasë me adresë dhe shenim si më poshtë:

”Tu ngjatë jeta!

Kjo është një letërt shkruar nga klasa 3K, Fjärdingskolan nga qyteti Borås. Sot ne fillojmë në menyrë solemne vitine ri shkollor më lëshim balonësh në qiell. Nese ti do më gjesh mua të lutëm na shkruaj një letër”.

Kështu kanë shenua në letrataë e tyre të gjitha klasat e kësaj shkolle e ku këtë vit jane 27 kasa enë qill lëshuan 324 balonë.


Këtë vit ishte kenaqësi te ishe me keta nxenes sepse ne mesine tyre ishte edhe personiq e vitin e kaluar kishte gjeturë në kopshtine e saj ballonat me letrën me adrese se kesaj shgkolle dhe klasës e cila kishte lëshua në ajrë balonat. Ishte ish nxënësja e kësaj shkolle Ingela Axelsson e cila para 37 vitesh kishte qenë nxënës e kesaj shkolle mu në klasën e gjashtë në atë kohë. Ajo sot jeton dhe punon në rrethinën e Göteborg bashkë me fmailjen e saj. Nga Fjärdingskolan vendbanim i i saj duhet të ketë diku mbi 130 km ku edhe eshte gjeture balona e hudhurë në ajrë vitin e kaluar. Kjo ishte ish nxënsja e Fjärdingskolan Ingela Axelsson e cila mori pjesë në manifestimine vitit të ri shkollor dhe në lëshuarjen në ajrë të balonave nga nxënësit këtu.Ajo thotë se u ndje e lumtur dhe se kjo është një deshmi se njeriu ndihet mirë kur është ne vemndlidjen ne e tij dhe në mesin e njerëzve të mirë.

Kjo është një deshmi se ne vendet ku cdo gjë funksionon për së mbari, ku njeriu ka respektin për njeriun e mund të ketë gjëra të mira, gjëra të bukura të cilat të bëjnë të ndihesh krenar dhe të mendosh se ndoshta je në shtëpinë tende.


Por edhe ne vet duhet të jemi në ball të ketyre gjërave pozitive për ne, për vendin tonë, për fëmijet tanë, por si duket ne bëjmë pak në këtë drejtim e më shumë krysisht ata të cilët janë në rrjedhën e këtyre ngjarje. Kjo është një deshmi se në ketë vatër arsimi edhe i huaji mund ta ndjej vetën sikur në shtëpi të vet thonë nxënësit e kombeve të ndryshme që vijojnë mësimet në këtë shkollë.

Besoj se edhe ne shkollat tona ka mudnësi ne cdo fillim vitit të organzihen manifestime te tilla me nxënësit. Nuk duhet shumë investim as material as fizik por vetëm vullnet dhe dashuri per punëne, dashuri për njeriun, për fëmiun.

Athua i kemi ne keto?!

 

Ibrahim Hajdarmataj: UDHËTIM, ME “DJALIN E TIGRIN”, NË ZOGAJ E GJAKOVË…

UDHËTIM, ME “DJALIN E TIGRIN”, NË ZOGAJ E GJAKOVË…

Nga: Ibrahim Hajdarmataj


Nga e djathta: I.Hajdarmataj, V.Kona e M.Gecaj

1.

Po bisedoja me kolegët dhe miqtë e mi, Viron Kona e Murat Gecaj, shkrimtarë, publicistë e studiues të njohur. Ndër temat më të dashura për ta janë dhe ato për mbresat e përshtypjet e tyre, nga vizitat në Mbretërinë e Suedisë. Tashmë, kanë publikuar jo vetëm shkrime të bukur e mbresëlënës nga ato vizita të paharruara, por dhe libra të veçantë. Sigurisht, ata janë me mjaft vlera për t’i njohur lexuesit shqiptarë me jetën e atij vendi mik skandinav.

Në vazhdim, së bashku, ne u ndalëm edhe në një fakt interesant. Jo shumë kohë më parë, erdhi në Tiranë arsimtari, shkrimtari e publicisti i njohur, Sokol Demaku. Ai ka vite që jeton në qytetin Boras të Suedisë, por dhe është nismëtar i lidhjeve të ngushta shqiptare-suedeze. Kësaj here, kishte me vete 1.000 kopje të librit-përrallë për fëmijë, që e ka shqipëruar vetë, me autor shkrimtarin suedez, Lars Westman, “Djali dhe Tigri”. Nuk do të ndalem këtu për fillimin e punës së dhurimit të këtij libri, në disa shkolla të Tiranës e Durrësit, por dhe të Tetovës, pasi është dhënë njoftim më pare, për këtë gjë. Por do të tregoj se si u bëra dhe unë bashkëpuntor në plotësimin e kësaj nisme, me vlera të veçanta.


Ballina e parë e librit, nga shkrimtari suedez, Lars Westman…

2.

Pasi mora me vete disa kopje të librit “Djali dhe Tigri”, së pari, shkova në Gjimnazin “Hoxhë Zogu” të fshatit Zogaj, në Malësinë e Gjakovës (Tropojë). Aty më priti me dashamirësi drejtori, Bujar Hajdarmataj, i cili e shprehu falënderimin e tij, si për Sokol Demakun dhe autorin, Lars Westman. Pastaj, me këtë nismë u njohën edhe mësueset e gjuhës e letërsisë shqipe, Bukurie e Ajshe Hajdarmataj. Ato u shprehën: “Ky libër i ri, nga Suedia e largët, do ta pasurojë më tej bibliotekën e shkollës sonë. Sigurisht, pas leximit, me përmbajtjen e tij do të njihen nxënësit tanë, me të cilët do të organzojmë edhe diskutime të lira”.

Kur po largohesha, në emër të kolektivit mësues-nxënës të këtij Gjimnazi, Bujari më dorëzoi nga një “Mirënjohje”, si për përkthyesin dhe autorin e librit. Në njërën, shkruhen këto fjalë: “Falënderojmë prof.Sokol Demakun, shkrimtar, gazetar dhe përkthyes, që na dhuroi për bibliotekën e shkollës sonë librin me titull “Djali dhe Tigri”, të autorit Lars Westman.Gjithashtu, këtij shkrimtari të mirënjohur suedez i urojmë krijimtari të suksesshme!”

3.

Meqenëse fshati Zogaj ndodhet vetëm 9 km larg Gjakovës, me librin në fjalë, u ndodha edhe shkollën e mesme të ulët, “Mazllum Këpuska”. Aty më priti drejtori, Islam Juniku. Ai më tregoi se edhe shkrimtarë të tjerë i kanë dhuruar libra bibliotekës së tyre. Duke shprehur falënderimin e tij për këtë dhuratë, ai përgatiti e më dorëzoi “Mirënjohje”, si për përkthyesin e autorin e librit. Në të shkruhet: “Shkolla e Mesme e Ulët “Mazllum Këpuska”-Gjakovë, jep këtë “Mirënjohje”, për shkrimtarin, gazetarin e përkthyesin Sokol Demaku: Për dhjetë libra të dhuruar, bibliotekës së shkollës sonë, “Djali dhe Tigri”, nga auroti suedez Lars Westman.-Drejtori: Islam Juniku”.


“Mirënjohje”, për librat e dhuruar…

Këto ndjenja miqësore dhe shprehje mirënjohjeje, i gjeta edhe në Bibliotekën Ndërkomunale të Gjakovës, qytet me tradita të njohura: atdhetare, arsimore e kulturore. Pasi biseduam për nismën e dhurimit të këtyre librave, drejtori i këtij institucioni, Engjëll I.Berisha ma dorëzoi “Falënderimin”, me dëshirën që ai t’u jepet, si dhuruesit të librit e autorit. Ja, çfarë shkruhet aty: “Dhuratë shumë e çmuar dhe e qëlluar, për pasurimin e fondit bibliotekar. Falënderimi vjen nga lexuesi dhe nga institucioni, duke ruajtur bashkëpunimin me krijues, posaçërisht me vepra me interes për lexuesit besnikë. Pasurimi i fondit librar është një motiv më tepër për punëtorët bibliotekarë. Ndërsa, kur vjen nga autori, është një nder më tepër. Ky libër është shumë i veçantë për pasurimin e bibliotekës sonë”.

…Jam i bindur se lexuesi i këtyre radhëve do të më mirëkuptojë, pra kur në mbyllje po shënoj se ky udhëtim i imi, si në Zogaj e Gjakovë, ishte shumë i veçantë e mbresëlënës për mua. Prandaj dhe këtë detyrë miqësore e kreva me kënaqësi. Siç dihet nga të gjithë, kur shpërndan libra, ndihmon sadopak në misionin e dhuruesve të tyre për t’i pajisur të tjerët, me dituri dhe njohuri të reja për jetën.

1 gusht 2014

 


Faqe 11 nga 47

Newsflash

 

Pierre P. Simsia (Panodi)

 

NË MICHIGAN PËR DITËT E LETËRSISË SHQIPE

 

Nëntë vite më parë, në Michigan, Sh.B.A.  nga emigrantët shqiptarë të ardhur viteve të fundit do të" lindte" një fëmijë i mbarë, që do të pagëzohej me emrin e bukur dhe kuptimplotë "Revista KUVENDI" të shoqëruar me: "Ditët e Letërsisë Shqipe në Michigan" në formën e një konkursi.

Nën kujdesin e atyre që e "ngjizën" botuesi i Revistës Kuvendi, zotëria i nderuar Pjetër Jaku dhe gjithë stafi i revistës, ai "fëmijë" nga viti në vit po hedh shtatin e tij, duke u bërë më i bukur, më i suksesshëm, më mbresëlënës, më i pëlqyer, duke u shtuar numri i konkuruesve...
Dhe pikërisht, ç'do fundtetori, për ta përjetuar nga afër ato ditë të gëzueshme, me mbresa dhe emocione të paharuara, krijuesit e ndryshëm letrarë shqiptarë në Sh.B.A. dëshirojnë të bëhen pjesë e asaj feste të bukur, duke dërguar krijimet e tyre letrare të një viti.
Vitin e kaluar, duke e përjetuar nga afër emocionet e asaj feste të bukur të Leterisë Shqipe, nuk mund të mungoja edhe këtë vit.
Michigani gjigand të mahnit me natyrën e tij vjeshtore; këtë e ndjejnë më tepër ata që kanë mundësi të shkojnë atje nëpërmjet linjës ajrore.
Shteti i grataçielave, i liqenit të madh dhe i liqeneve të tjerë, autostradat e shumta dhe të pafund, shumëllojshmëria e ngjyrave të gjetheve të pemëve të vjeshtës flokëartë... Dhe në atë shtet gjigand, ndodhet edhe një komunitet shqiptar, ndodhet edhe ajo vatër e ngrohtë bujare shqiptare që na mbledh e na gëzon, pjesëtares e familjes "KUVENDI".
     E shtunë, 30 Tetor 2010

Pasi aeroplani mbërrin në aeroportin DTW, (Detroid) pas pak minutash zbres shkallët elektronike dhe gjendem në hyrje të terminalit 1
Formoj numrin e telefonit të personit që ishim njoftuar për të na pritur, por, ai më përgjigjet se, ka ardhur vetë i zoti i shtëpisë, zotëria i nderuar Pjetër Jaku, për të pritur miqtë e ardhur nga shtete të ndryshme të Amerikës. (Me gjithë përgjegjësitë e përgatitjes që ka Pjetri në këto ditë të ngjeshura me punët e aktivitetit, e gjeti kohën për të ardhur vetë në aeroport për të na pritur,- mendova. Nuk ke si të mos kesh respekt të dyfishtë, të trefishtë... për këta njerëz të tillë)
I telefonoj Pjetrit dhe, nuk ishim shumë larg nga njeri tjetri.
Pjetër Jaku nuk kishte ardhur bashkë me krijuesin Zef Lleshi.
Kishte kaluar një vit pa u parë dhe, sigurisht, takohemi e përqafohemi si vëllai me vëllanë, si miku me mikun...
Miqtë në raste të tilla kur takohen pas kaq kohe, kanë shumë ç'të bisedojnë dhe të duket se koha nuk mjafton t'i themi të gjitha në atë çast, por ne kohen e kishim të mjaftueshme të bisedonim e të çmalleshim në aeroport, sepse, orari i mbërritjes së avionëve të tjerë ishte në itenerare kohe të shkurtër.
Pas gjysëm ore, midis njerëzve të shumtë, pamë të zbriste një burrë (Intelektualët dallohen që nga pamja e jashtëme)
- Ja erdhi edhe Mehdiu - tha Pjetri dhe u drejtua për nga ai. Ishte Dr. Mehdi Hyseni i ardhur nga Bostoni.
Edhe pse nuk e kisha parë asnjëherë Dr. Hysenin, takohemi si miq.
 - Tani presim të mbërijnë edhe miqtë e tjerë nga Nju Jorku - tha Zefi dhe Pjetri. E kishin fjalën për shkrimtarin e mirënjohur Fatos Kongoli me bashkëshorten e tij, Lili, si të ftuar nderi në aktivitet dhe poeten Iliriana Sulkuqi.
Në biseda mes miqsh e shokë, koha ecën pa u kuptuar; kur një zile telefoni, njofton për mbërritjen e të sapoardhurve nga Nju Jorku.


Takimi për të disatën herë me shkrimtarin Kongoli, na ka bërë si të jemi miq të njohur prej kohësh. Përqafohemi me mall...
Hyjmë në makinat miniven dhe nisemi drejt hotelit luksoz "CANDLEWOOD" ku Pjetri kishte bërë pronotimet.
Na mjaftonte një pushim i shkurtër pakorësh, për të vazhduar programin e aktivitetit.
Pasi Pjetri dhe Zefi ishin larguar, dëgjoj zilen e telefonit tim. Ishte përsëri Pjetri; Po e "hante" meraku, për të na thënë, atë që i kishte dalë nga mendja të na i thoshte në hotel.
 - Pjerr, në katin e parë të hotelit ndodhet salla e ngrënies. Ju lutem, uluni dhe hani ç'të dëshironi... Të gjitha janë të paguara...
Zot! E ç'farë mund të ndjesh në ato çaste për njerëz të rallë si zoti Jaku, përveç se respekt dhe dashuri!
 

Ora 6.00 e mbrëmjes dhe përsëri tingulli i ziles së telefonit celular. Dëgjoj zërin e Pjetrit, që më thoshte, se pas 15 minutave do vij të na marri për të darkuar.
Ardhja e zotit Jaku ishte me një e papritur e këndëshme; bashkë me të ishte edhe miku jonë, miku që pata fatin e mirë ta njoh vitin e kaluar, fjalëpaku, i urti, mëndjendrituri, penëarti, poeti i talentuar, Nexhip Ejupi. (Sa bukur do ishte bota, sikur njerëzit të ishin si poeti Nexhip Ejupi)
Prezenca e Nexhipit, sikur më hutoi nga gëzimi që po jetoja, jo vetëm mua, por ishte edhe një e paritur edhe për profesor Kongolin. Takohej me ish nxënësin e tij Ejupi, pas më shumë se dyzetë vjetësh.
Restoranti "L'George's" me pronarë aktivistët e njohur të çështjes shqiptare, Kujtim e Nik Qafa, ishte "shtëpia" mikpritëse.
Atje na prisnin miqtë, bashkatdhetarët tanë të nderuar: Alfons Grishaj, poet dhe editor i Revistës “ KUVENDI", Zef Përgega, Elinda Marku, Paulin Palushaj, Zef Lleshi,  Rakip Babqorri, Shkëlqim Legisi, Gjovalin Lumaj, Julian Çefa, Kujtim Qafa, Rrok Dedvukaj, Luigj Gjokaj, Nikoll Pepa, Lek Lulguri, Paulin Palushi...
Menuja e ushqimit tepër e pasur, u shoqërua me bisedat e ngrohta, me humor dhe recitime, për ta bërë më të këndshëm atë mbrëmje, të cilin e moderoi publiçisti dhe poeti Zef Lleshi, njëkohësisht, anëtar i Këshillit drejtues i Revistës KUVENDI.

Asaj mbrëmjeje i dha ngjyrat e saj humoristike, artisti i mirënjohur shkodran, fotografi, karikaturisti, humoristi, Paulin Palushi, i nderuar me çmimin "Naim Frashëri i klasit të parë" nga Presidenti i Republikës.

                                 

Ndërsa artisti Palushi interpretonte pjesë humoristike, dëgjoj një kolegun tim të më thotë: "Humori shkodran është i pranishëm në ç'do aktivitet apo festë të kujtdo krahine, për më tepër, që Palushajt e kanë në gjak humorin, si Paulini ashtu edhe i paarritshmi Shtjefën Palushi (Tef Palushi)
Mendimi i Nevrus Nazarkos, që të gjithë të pranishmit të prezantonin veten e tyre, bëri, që të njiheshim më mirë me njeri tjetrin.
Ashtu të gëzuar dhe me humor do ndaheshim atë natë, për t'u takuar sërish mëngjesin e ditës tjetër.

                         E diel, 31 tetor, 2010.

Kafja e mëngjesit ishte planifikuar të pihej në lokalin "Espresso House" pronar i së cilës është bashkatdhetari ynë i nderuar, anëtar i këshillit botues të Revistës "KUVENDI", Rush Dragu. 

E kam shkruar edhe në shkrimet e tjera; kafeneja e zotit Dragu mban aromë Shqipërie. Që nga filxhanet e kafesë që kanë simbolin tonë, Flamurin Kombëtar, dy televizorët e tjerë që transmetojnë pragrame të ndryshme shqiptare dhe, sigurisht, klientët janë përgjithësisht shqiptarë.

Sapo ishim përshëndetur dhe ishim ulur në tavolinat e bashkuara, disa klientë vijnë dhe na urojnë mirëseardhjen, veçanërisht, shkrimtarit Kongoli.
Ishte rasti më i mirë për ta, ta shihnin nga afër, të bisedonin lirshëm, t'i uronin mirëseardhjen shkrimtarit.

Koha në raste të tilla ecën shpejt dhe ne çdo gjë e kishim të programuar.
Nuk duhet të vonoheshim për të drekuar.
Të udhëtosh autostradave të pafundme të Michiganit është kënaqësi, jo sepse kohën e ke të mjaftueshme për bisedë, por sheh edhe natyrën, atë mrekulli që ka ndërtuar dora e njeriut, mes fushave të pafund të gjelbëruara janë ndërtuar shtëpitë vila mes pemëve të shumta...
Në grupin tim në makinë, duke shkuar në restorant, që e drejtonte Alfons Grishaj, ishte edhe profesor Kongoli dhe poeti Nexhip Ejupi, i pranishëm si gjithmonë. 
Por, më parë se të shkonim për të drekuar, organizatorët kishin menduar të na çonin në një vend të bukur turistik, në  Partridge Creek, një kompleks- qytet me vlera kulturore dhe tregtare në qytetin e Sterling Heights-it.
Partridge Creek, ne na u duk si një mini Europë...

Të njihesh me Alfons Grishaj, është fat, që unë atë fat e pata para një viti, kur e njoha në të njëjtin aktivitet dhe mësova nga ai, se ishte vëllai i mikut tim të para 26 vjetëve, Aleksandrit. Jo vetëm inteligjenca e tij, por ngjarjet e ndryshme të jetës së tij, vepra dhe puna që ai ka bërë dhe bën për çështjen shqiptare janë një histori, një muze, nga i cili të gjithë kemi ç'të mësojmë.
Edhe pse jo në moshë shumë madhore, vepra e tij është madhështore. Familjarisht të njohur në Shkodër si antikomunistë, nuk kishte se si të edukohej ndryshe edhe Alfonsi.
Kjo bëri, që në vitet e rinisë së tij, atëhere, kur regjimi kriminal gjakatar komunist shqiptar ishte ende në fuqi, djaloshi trim shkodran të provonte burgun e tmershëm komunist.
Një ndër demostruesit e parë antikomunist dhe themelues i të parës parti demokratike për Shkodrën, Alfons Grishaj është nderuar me titullin "Pishtar i Demokracisë"
Me shkrimtarin Fatos Kongoli, duke qenë edhe vetë Alfonsi krijues, poet, kujtuan vitet e largëta të fillimviteve 90-të, atëhere, kur profesor Kongoli punonte në gazetën Rilindja Demokratike dhe që Alfonsi në atë kohë kishte bashkëpunim.
Qyteti Warren ishte edhe vendi ku do drekonim në Olive Garden, një nga restorantet më të mira italiane.
Janë çaste dhe kujtime të paharuara, që të mbeten shumë kohë të gjatë në kujtesë për të mos i harruar, kur shohim njëri tjetrin në tavolinën e ngrënies, si të jemi pjesëtarë të një familje të një gjaku; dhe vërtetë, ne jemi gjaku shqiptar. 

Mbrëmja finale e aktivitetit "Ditët e Letërsisë Shqiptare në Michigan" nga organizatorët ishte menduar të mbahej në restorantin "The IMPERIAL House"

Salla e madhe ishte zbukuruar si për festë.
Në hyrje ishte vitrina e librit.

Në krye të sallës ishte improvizuar skena, ku Grupi Muzikor "ADRIATIK" i njohur në shtetin Michigan me muzikantët Bilbil Gashi dhe Devis Delliallisi, si edhe këngëtaret  Afërdita Gashi dhe Florida Deliallisi.
Moderatorët e atij aktiviteti ishin Albina Palushi dhe Rush Dragu, të cilët e paraqitën programin me profesionalitet dhe mjeshtërisht...
Në çelje të programit, zonja Palushi, lexoi një përmbledhje për At Gjergj Fishtën.
"Në këtë ditë të shënuar për të cilën jemi mbledhur sonte, dua t'i bëj një falenderim të veçantë të ftuarit të nderit, shkrimtarit të njohur dhe të shumsukseshëm të njëzetë viteve të fundit, Fatos Kongoli, të cilin kemi fatin t'a kemi sonte të pranishëm në këtë sallë." - tha në vazhdim të fjalës së tij, zoti Rush Dragu.
Më parë se të ftonte shkrimtarin para mikrofonit, zonja Palushi bëri një përmbledhje të krijimtarisë letrare të shkrimtarit Kongoli.
"Vërtetë është një sfidë. Janë emocione shumë të forta; ndjehem vërtet me shumë fat, që ndodhem sonte këtu në "Ditët e Letërsisë Shqiptare" në Michigan, organizuar nga Revista "KUVENDI"
Në radhë të parë, dua të falenderoj atë që më ftoi të jem sonte i pranishëm me ju, botuesin e nderuar të revistës KUVENDI, Pjetër Jaku.
Po këtë vit, unë kam patur rastin gjithashtu të isha i ftuar përsëri në një takim që u mbajt në Nju jork, nga Shoqata e Shkrimtarëve Shqiptaro Amerikanë, në Panairin e librit,m 2010, një veprimtari shumë e bukur dhe interesante, emocionuese për mua.
Këto lloj takimesh kanë të veçantën e tyre, sepse këtu janë njerëz, të cilët mund të kenë pikëpamje të ndryshme, por këtu i bashkon letërsia. Është dëshira e tyre të merren me letëri dhe kjo i bën të afërt të takohen me njëri tjetrin dhe kjo është një trasitë e mrekullueshme..." - tha midis të tjerash Kongoli.

"Posaçërisht kam nderin dhe kënaqësinë të përshëndes organizatorin dhe gjithë stafin e Revistës KUVENDI për organizimin e përvitshëm të këtij aktiviteti. Përfitoj nga rasti të falenderoj zotin Pjetër jaku dhe gjithë stafin e tij, gjithë ata që kanë marrë pjesë për të financuar botimin e librit tim të fundit UÇK dhe e drejta ndërkombëtare, botuar nga Shtëpia Botuese Kuvendi.
Kam kënaqësinë gjithashtu t'ju njoftoj se, ditën e djeshme, më 30 tetor, 2010, në Tiranë u mbajt një konferencë gjithëkombëtare shqiptare, për ribashkimin e Kombit shqiptar, e quajtur Konferenca e Shqipërisë Natyrale.
Pa ribashkimin, Historia jonë, Kombi, shteti ynë, nuk do kenë fatin të ecin përpara, në realizimin e kërkesës shekullore, aspiratës, që mbarë shqiptarët, mbarë trevat shqiptare të dalin nga kthetrat e përgjakshme të okupatorëve... (Në sallë dëgjohen zëra: Rroftë Shqipëria e ribashkuar natyrale.)
Pas fjalës së Dr. Mehdi Hysenit, Rush Dragu, lexoi një përmbledhej nga biografia e tij.
Albina Palushi prezantoi organizatorët e mbrëmjes: Nevrus Nazarko, Gjovalin Lumaj, Rush Dragu, Alfons Grishaj, Pjetër Jaku, Paulin Palushi.
Më pas, Rush Dragu, do të përkujtonte poetin që u nda nga jeta dhe nga gjiri jonë para një viti, Rapsodin e njohur Popullor, Artistin e Merituar, krijuesin e shumë këngëve  Sali Mani.
"Sonte duhet t'i bëjmë një homazh kujtimi atij njeriu  që la shumë në    krijimtarinë e tij".
Në nderim të rapsodit popullor, të gjithë pjesëmarrësit u çuan në këmbë dhe mbajtën një minutë heshtje.
Pastaj zoti Dragu, ftoi aktorin Nue Gjekaj, i cili kishte përgatitur të recitonte vargje nga rapsodi Sali Mani.
Aktori Gjekaj, me interpretimin e vargjeve të rapsodit Mani, krijoi emocione dhe duartrokitje.
Me duartrokitje u prit, kur Albina prezantoi pjesëmarrjen në atë aktivitet të Imam, Shuaip Gurguri, e cila i uroi mirëseardhjen dhe e ftoi të përshëndeste aktivitetin.                          

"Në emrin tim personal dhe në emër të Qendrës Kulturore Islame Shqiptare j'u përshëndes dhe j'u përgëzoj për këtë aktivitet që zhvilloni.
Falenderoj organizatorin, zotin Pjetër Jaku për ftesën e tij që më ka bërë të jem edhe unë pjesëmarrës, si dhe gjithë bashkëpunëtorët e tjerë që kanë ndihmuar këtë aktivitet.
Dashtë zoti, gjithmonë të jemi së bashku, të festojmë, të kremtojmë, ashtu siç na ka hije... Ju faleminderit." tha midis të tjerash, Imam Gurguri.
(Përsëri nga salla dëgjohen: Rrofshin gjithë shqiptarët pa dallim feje...)
Përsëri Albina Palushaj, uroi mirëseardhjen në aktivitet të një tjetër kleriku, Padër Pashko Gojçaj, i cili edhe ai u prit me duartrokitje.               

" Të dashur motra dhe vëllezër! J'u përshëndes të gjithëve.
Kam pas fatin, që prej tre vjetë me radhë të marrë pjesë në aktivitetin "Ditët e letërsisë Shqipe në Michigan"
Mendoj, që ky aktivitet i larmishëm në vitet e ardhshëm të quhet: Ditët e letërsisë Shqipe në Sh.B.A." - tha midis të tjerash Pader Gojçaj.
Dragu, prezantoi edhe librin e fundit të Dr. Fran Ivezaj "Klithma e një shqiponje"
Duke folur për librin e Dr. Ivezaj-t, zoti Dragu citoi ç'farë kanë shkruar disa personalitete të letërsisë sonë: “Ngjarjet e mëdha u ngjajnë stuhive. Me afrimin e tyre, ato qysh më parë, lëshojnë ca shenja, paralajmëruese: bubullima, shkrepëtima të largëta... Thyerja e tyre pëballë Pjetër Ivezaj ishte shenja e sigurt se një epokë e re po afrohej në Ballkan. Për shqiptarët, në radhë të parë, por edhe për të gjithë të tjerët”. 
Dr. Fran Ivezaj, është doktor shkencash; ligjërues i edukatës multikulturale dhe të komunikimit në Unviersitetin Wayne State. Gjithashtu ushtron detyrën e drejtorit të një shkolle në Detroid.
Falenderime iu përcollën edhe pjesëmarrësve në sallë; një ndër ta ishte edhe ish i burgosuri politik, Rrok Dedvukaj.
Lulash Palushaj, autor i disa librave të botuar, në fjalën e tij përshëndetëse tha:

"Falenderoj gjithë pjesëmarrësit e pranishëm këtu, sepse, kush më i madh e kush më i vogël si krijues, jep kontributin e tij.
Kam nderin e madh gjithashtu të përshëndes dhe të falenderoj shkrimtarin tonë Fatos Kongoli që gjendet sot midis nesh në këtë sallë.
Është mesazh i madh për të gjithë ne, të vijmë e të nderojmë një kuvend të sofrave tona, një kuvend që mbledh shkrime, një kuvend që afron njerëzit, një kuvend që bashkon intelektualët..."

"Në memorien e emigrantëve të vjetër, kam nderin të falenderoj drejtuesit e vjetër dhe të rinj të Radios në shtetin Michigan, mesazhin që mërgata e vjetër i sjell pasardhësve. Dua të falenderoj për punën e tyre të mirë në shërbim të komunitetit, zotërinjtë Gjon Lulgjuraj, Kujtim Qafa, Juljan Çefa, të cilët janë pionierët e mediave shqipe në Michigan..." tha në vazhdim zoti Dragu.

Pastaj përshëndeti Prof.Fran Camaj, drejtues prej disa vitesh i nje radioprogrami në gjuhën shqipe në Malin e Zi:  

"Kam ardhur për vizitë në Sh.B.A. dhe u informova për këtë aktivitet të përvitshëm tradicional dhe kam nderin të marrë pjesë në këtë manifestim, para jush, para gjithë krijuesve. J'u përshëndes të gjithëve dhe në veçanti, organizatorin, botuesin e revistës Kuvendi, zoti Pjetër Jaku, revistë me vlera, që ka në përmbledhjen e saj krijime nga diaspora dhe nga atdheu.
Kam nderin gjithashtu, të përshëndes shkrimtarin e mirënjohur, Fatos Kongoli, që së bashku me shkrimtarin Ismail Kadare, paraqesin kulmin e Letërsisë së sotme Shqipe..." tha prof. Camaj.
Në vazhdim, përshëndeti në emër të Shoqatës "DUKAGJINI" sekretari i shoqatës, zoti Pllumb Kulla. 

" ...Është kënaqësi e madhe që ndodhemi sonte në këtë mbrëmje kaq të bukur, të rëndësishëm dhe emocionuese.
Është e rëndësishme për mua, se ka një pjesëmarje nga të gjitha trevat shqiptare, pa dallim feje... Përshëndes gjithë organizatorët, gjithë popullin shqiptar..." tha zoti Kulla.

Falenderoj drejtuesit e kësaj mbrëmjeje të bukur, zonjën Palushi dhe zotin Dragu.

Përshëndetën gjithashtu edhe studiuesi Fejzulla Abdullai, Gjovalin Kaçorri...
Interpretuesit e vargjeve poetike, Paulin Palushi, Nikolina Gjekaj, Vera Vuçaj, Zef Lleshi, ish aktori i Teatrit të Korçës dhe i Portokallisë, tani me banim në Sh.B.A. Arben Dervishi, Ruzhdi Gjokaj, Iliriana Sulkuqi, Ndue Gjekaj, Pierre-Pandeli Simsia, kishin zgjedhur për atë mbrëmje, jo vetëm nga krijimtaria e tyre, por edhe nga poetët që jetojnë në Sh.B.A., si edhe vargje të Shkrelit dhe Agollit.
Poetja Iliriana Sulkuqi, pas fjalës përshëndetëse dhe interpretimit të vargjeve të saja, ftoi pranë vetes të vinte zoti Pjetër Jaku.
"Sipas traditës shqiptare, miku nuk shkon duarbosh tek miku, e mban një pako llokume në duar, ndërsa unë sonte, në vend të pakos me llokume - dhe nxjerr nga çanta një zarf, -  stafi i revistës simotër "PELEGRIN", nga xhepi i "çpuar" por i pasur, duke i uruar vazhdimësi "KUVENDIT" i dhuron diçka simbolike  brenda këtij zarfi për të vazhduar udhën e saj të botimit, duke pasur brenda fletëve të saj gjithcka me vlerë që shkruhet me sakrifica jashtë atdheut...
Mirutakofshim ne bibliotekat tona mbarëshqiplexuese..." tha Sulkuqi.
Zoti Jaku i falenderoi stafin e revistës PELEGRIN. Gjaithashtu ai falenderoi pjesëmarrësit dhe të gjitha ata që ndihmuan në realizimn e aktivitetit dhe veçanërisht bizensmenin e njohur, Agim Lumani, editorin e Revistës “ Kuvendi” poetin, Alfons Grishaj, aktivistin e njohur Kujtim Qafa, publiçistin Nevrus Nazarko, poetin Lulash Palushaj, Julian Çefa, Luigj Gjokaj, Zef Lleshi, Rush Dragu, Robert Gega, Shkëlqim Legisi, Kryetari i Këshillit të Xhamisë Shqiptare, Viktor Shaholli dhe Kryetari i Këshillit të Kishës së Shën Palit, Kolë Gjokaj, krijuesit që morën pjesë në këtë aktivitet të rëndësishëm të Letërsisë Shqipe.
Zonja Albina Palushi lexoi përshëndetjet që institucione dhe personalitete të ndryshme i kanë dërguar organizatorit Pjetër Jaku: Nikollë Lesi, Avni Spahiu, Ali Podrimja, Naum Prifti, Shoqata e Shkrimtarëve Shqiptaro Amerikanë, Shoqata "Bijtë e Shqipes".

Juria e përbërë nga Ilirana Sulkuqi, kryetare, Nevrus Nazarko, Pierre-Pandeli Simsia, Gëzim Basha dhe Vera Vuçaj, me diskutime dhe debate përzgjodhën fituesit.
Në emër të Jurisë, çmimet i publikoi Vera Vuçaj

Në poezi:

Çmimi i parë: Zef Lleshi

Çmimi “ Gjergj Fishta”: Rita Saliu

Çmimin “Migjeni”: Fation Pajo

Në publicistikë:

Çmimi i parë: Thanas Gjika

Çmimi “ Arshi Pipa”: Merita B. McCormack

Çmimi “Faik Konica”: Rush Dragu

Në prozë:

Çmimi i parë: Agim Dëshnica

Çmimi “ Petro Marko”: Raimonda Moisiu

Çmimi " Anton Pashku": Astrit Lulushi

Krijime për fëmijë:

Çmimi “ Odise Grillo”: Selim Adili

Çmimi i Këshillit Botues të Revistës “ Kuvendi” për interpretimin më të mirë iu dha aktorit të njohur, Arben Dervishi.

Gjithë aktiviteti u përcoll nga dy televizionet lokale, të cilët, zoti Pjetër Jaku i falenderoi drejtuesit e tyre, Gani Vila dhe Armando Shtiza.

Kështu u mbyll me sukses për të nëntin vit radhazi, aktiviteti i rëndësishëm i Letërsisë Shqipe në Michigan.
Faleminderit organizatorit dhe botuesit të revistës "KUVENDI" zoti Pjetër Jaku dhe gjithë stafit të tij, që punuan dhe realizuan me sukses këtë aktivitet të rëndësishëm.
Mirutakofshim pas një viti në Michigan, në përvjetorin e 10-të të "fëmijës" së bukur, ku sigurisht, pjesëmarrja, organizimi
...
do të jenë madhështore, mbresëlënëse...
URIME