Dituria

  • Rrit madhësinë e fondit
  • Madhësia normale e fontit
  • Ul madhësinë e fontit
Home Poezi-Poesi Adelina Dokja: Njerkë zeza Ti - zezona!

Adelina Dokja: Njerkë zeza Ti - zezona!

Adelina Dokja

 

 

Njerkë zeza Ti-zezona!

 

Nuk kam lot, kam jete vaji.
ne qerpike kane ngrire, ato!
Dikush ngerdheshej kur me shihte te vuaja
dhe lotet , i shkelte pa meshire.

Ishin vuajtje dhimbje qe injoroheshin nga Ti
o shpirt keqe me zemer djalli,
më copetove buzeqeshjen
më vodhe lumturine femijërire !

Imponove të ngjiteshim kodrave si kafshe
te sillnim dru me shale
te ngroheshe me zjarrin e nje femije
qe duart i kishin ngrire e mpirë !

Kur binte shiu me shtama,
zeri yt fishkellente si kamxhik;
-Shkoni mblidhni ullijte nese doni te hani!
Si zogj që ikin nga huti merrnim udhen ne .

Mblidhnim kokrrat me frike ne shpirt,
se dikush mund t'na ndiqte !
Edhe shiu kerkoj te behej mbroje per ne
nga njerez te liq si ti!

Kur ktheheshim, rrinim ne fund te deres si skllever
te pambrojtur se TY baba-
te kishte lene fuqia
e ne na mbyste malli e dashuria!

2.

Kulshedra shpertheu ne flake!
-Si gjen gje ata, s'ka vend per te gjithe! peshperiste ,

-O zonje e shpifur, me zemer katran
do vije nje dite ,ta vjellesh dhe ti.
Kostumin e pare qe bleve per tim vella,
me leket e nenes se e vdekur,
kishte lene duart jashte.

I bukur i gjate, m'u kujtua si dhenderri 14-vjecar!
Na ndriten syte kur e pame,
po jetoja me ceremoni, u mallengjeva brenda
dhe pertypa lotet, per mos t'rene ne sy.

-Shkofsh ne varr,me ate kostum ,shfryve.
Në vend te urates mallkim e turfullime derdhe
u be ai kostumi nje lafarak,
Si flakurimë , m'u perplas ne fytyre
dhe syte shkendija mu ndezen!

Nuk i mjaftonte qe jeten na kishte nxire,
akoma nga zemra villje vrer,
e ne permbajtëm veten per te ruajtur nivel.


3.
-Sa here im ate punonte larg,
ne ne duart e ujkut ishim,
Gelltisja hidhur c'do dhimbje,
melcine time helmoja,
nje grope të madhe hapja brenda
dhe aty varrosja te gjitha ligesite.

Mallkuar qofte ajo dite, kur ti fute koken brenda,
shkatrrove c'do gje ,aty ku ti vure kemben
thave c'do bime dhe lule dhe toka mbeti djerrë,
solle vec s'kamje e varferi,

Ke mbjellur vetem vuajtje,
ke denuar jeten e tre femijeve,
tani nuk dua me te qaj,
te kam falur sepse nuk jam si ti,
mbaj ne deje gjakun e tim eti
dhe nenes time qe me rriten me ndershmeri !

Nuk qaj me per tu ngerdheshur para meje,
per te plagosur zemren time,
tani ja kalova mbane dhe jeta me beri te forte,
te keqijat e tua qe volle ne trup,
stinet i lane bashke me shiun e dimrave te gjate.

Nuk ti fal lotet e mije,
sepse ti nuk ke zemer qe ti prekesh,
te le zotin per tu falur,
mëkatet do ti lash ne boten tjeter!
njerkëzeza ti , zezona !

 

Newsflash

Ekipi i Hamiltonit fitoi Kupën e 100-Vjetorit të Pavarësisë. Por fituesit e vërtetë të kësaj kupe ishin të gjithë pjesmarrësit sepse ata hodhën bazat e një tradite të bukur që shresojmë të vazhdohet.

Nga Ajet Nuro, Montreal, Kanada

Kupa e shqiptarëve të Kanadasë, mundësuar nga Bashkësia Shqiptare e Kebekut në Montreal

Ishte paralajmëruar që nga fillimi i majit një kupë mes shqiptarëve të Kanadasë dhe kjo fill pas kupës që ishte paraparë në Montreal më 17 qershor 2012. Ideja e një ndeshje mes shqiptarëve erdhi pas jehonës së këtij aktiviteti në Montreal dhe ishtin pikërisht kryetarët e shoqatave shqiptare të Montrealit, Hamiltonit dhe të Otavës, respektivisht zotërinjtë Kujtim Ismaili, Shani Pnishi dhe Arbnor Krasniqi, që i dhanë jetë kësaj ideje me qëllimin fisnik të një aktiviteti në shkallë të gjerë në këtë vit jubilar të 100-vjetorit të shtetit shqiptar. Organizatorja e aktivitetit ishte Bashkësia e Kebekut në Montreal dhe kryetari i saj z. Kujtim Ismaili.

Pak historik …

Në fillim ishte paraparë të kishte edhe një ekip tjetër nga rrethinat e Torontos, nga Londoni apo Mississauga. Por, në ditët e fundit vetëm tre komunitete shqiptare mundën të paraqiten. Ndaj dhe organizatorët në Montreal përgatitën në 2 ditët e fundit një ekip të dytë. Por pse pikërisht Montreali, Otava dhe Hamilton? Nuk është çudi, pasi tradicionalisht, organizatat shqiptare që grumbullojnë në vetvete shqiptarët si në Otava dhe në Montreal, kanë bashkëpunuar me njëra-tjetrën. Pra, lidhja nuk mungon. Le të kujtojmë se z. Shani Pnishi i shoqatës së shqiptarëve të Hamiltonit ishte i pranishëm në ceremoninë e dorësimit nga Bashkësia Shqiptare e Kebekut në Montreal të portretit të Nënë Terezës Oratoriumit Saint-Joseph në Montreal. Pra edhe në këtë rast lidhjet mes shqiptarëve të Montrealit dhe Hamiltonit ekzistojnë. Kjo, mendoj se shpiegon realizimin e këtij aktiviteti nga këto tre organizata. Po Toronto? Le të themi nja dy fjalë më poshtë…

Kupa e Shqiptarëve të Kanadasë

Kupa u zhvillua ditën e dielë në datën 8 korrik 2012. Ndonëse korrik, për fat temperatura ishte e përshtatshme për zhvillimin e aktivitetit. Si dëshmitar i përgatitjeve të aktivitetit, mund të them se jo vetëm organizatori, kryetari i shoqatës shqiptare këtu në Montreal, por edhe veprimtarë të tjerë të këtushëm, treguan interes që aktiviteti të zhvillohet sa më mirë e mbi të gjitha t’ia arrij qëllimit që ishte të argëtonte pjesmarrësit dhe të krijonte ura bashkëpunimi mes shqiptarëve që jetojnë në qytete të ndryshme të Kanadasë. Kështu, ishte nisma e disa veprimtarëve të Montrealit, sodomos e z. Hyzri Sinani, krijimi i një ekipi të katërt për të zbukuruar edhe më shumë spektaklin. Kështu, u krijuan 4 ekipe që përfaqësonin Hamiltonin, Otavën dhe 2 ekipe të Montrealit. Shorti vuri përball njëri-tjetrit Hamiltonin dhe Otavën dhe dy ekipet e Montrealit u vunë përballë njëri-tjetrit. Ndeshja e parë, ajo mes Hamiltonit dhe Otavës përfundoi me rezultatin 4:1 duke bërë që ekipi i Hamiltonit të tregoj një cilësi të veçantë futbolli.

Ndeshja mes dy ekipeve të Montrealit, përundoi 2:1 në favor të ekipit të parë që është ekipi i Ferizaj, fitues i kupës lokale të këtij viti.

Para finales së madhe, një ndeshje mes ekipit të Otavës dhe ekipit të dytë të Montrealit për të merituar vendin e tretë, bëri të mundur përgatitjen e dy ekipeve më të mirë për finalen. Ekipi i Montrealit në minutat shtesë mundi të fitonte vendin e tretë.

Finalja …

Ekipi i Hamiltonit që fitoi kupën e shqiptarëve të Kanadasë

Finalja mes ekipit të Hamiltonit dhe ekipt të parë të Montrealit ishte një farë spektakti me shijen e finales së Euro 2012. Përfaqësuesit e Hamiltonit, teknik, të shkathët, të saktë, të disiplinuar, të qetë ia dolën jo vetëm të fitojnë por me gola njëri më i bukur se tjetri. Kur unë i thash njërit prej tyre se jeni si Spanja (ekipi im më i preferuar…) ai m’a ktheu : – Jo, jemi si Kosova… Dua të sjell këtu punën e trainerit të ekipit z. Fatmir Laçi që gjatë gjithë kohës u rrinte lojtarëve pranë me udhëzime, me ndërrime, me inkurajime. Ekipi i Hamiltonit ishte një ekip i ri dhe siç n’a thanë, ai nuk ishte elita e futbollit që ata kanë në Hamilton. Prioriteti i organizatorëve ishte marrja në ekip e aktivistëve të shoqatës atje për të nxitur mbajtjen në këmbë të shoqatës. Por kuptohet që jo të gjithë mund të ishin në gjendje të vinin në Montreal. Ndonëse të gjithë lojtarët e Hamiltonit ishin për t’u dalluar po përmend një emër që e dëgjova të lakohej më shumë nga të tjerët dhe ai ishte Vullnet Nura si dhe kapiteni i ekipit z. Eroll Krasniqi. Fitorja 3:0 ndaj përfaqësueses së Montrealit ishte një fitore e pastër dhe plotësisht e merituar. Në mbyllje të ndeshjes ata u duartrokitën nga të gjithë të pranishmit.

Takim sportiv?

Kupa e futbollit e shqiptarëve të Kanadasë, nuk ishte vetëm një takim sportiv. Nga Otava veç ekipit dhe një delegacioni që e shoqëronte ishte edhe z. Ded Gjergji 76 vjeç, i cili, pasi lexoi numrin e fundit të Shqiptarit të Montrealit bëri vrejtjen se pse duhet të ketë vetëm « Shqiptari i Montrealit » kur ky koncept mund të jetë edhe më i gjerë. E njëjta vrejtje erdhi edhe nga Shani Pnishi i shoqatës së Hamiltonit. Pra, dëshira për të bashkëpunuar, për të shkëmbyer mes shqiptarëve këtu në Kanada është e madhe. Por, as puna për të realizuar një gjë të tillë nuk mungon.

Z. Ded Gjergji udhëtoi nga Ottawa për të ndjekur ekipin e zemrës, Otava…

Toronto?

Nuk do t’a kisha përmendur këtë element që mungonte në këtë festë të shqiptarëve të Kanadasë por dje, pasi kisha hedhur fotot e takimit në facebook një nga kontaktet në facebook bëri këtë pyetje : Po Toronto, a u ftua në këtë aktivitet? Nuk jam në gjendje të përgjigjem por di që z. Shani Pnishi u përpoq për të bërë të njohur këtë nismë ndër shoqatat shqiptare në rrethinat e Torontos. Sigurisht që prania e një ekipi apo delegacioni nga metropoli kanadez do t’i bënte nder një aktiviteti të till dhe natyrisht do krijonte lidhje më të forta mes shoqatave shqiptare. Kjo duke u nisur nga pesha që zënë shqiptarët e Torontos në jetën e shqiptarëve këtu në Kanada. Shpresojmë që një gjë e tillë të korrigjohet më pas.

Ndoshta për ata që ndoqën një aktivitet të tillë, mund të ketë edhe vrejtje por përtej ndonjë mangësie unë do të desha të përgëzoj organizatorin (çuditërisht ai ishte jo shumë i rrethuar nga anëtarë të kryesisë…) z. Kujtim Ismaili, z. Shani Pnishi (Hamilton) dhe z. Arbnor Krasniqi (Ottawa) për bërjen të mundur të aktivitetit. Dua të falenderoj edhe ata pjesmarrës në aktivitet, sportist apo spektator që lanë ndonjë aktivitet tjetër për të ndjekur Kupën e Shqiptarëve të Kanadasë e sidomos z. Ded Gjergji që erdhi enkas nga Otava si dhe dy miqtë e mi dr Gëzim Bytyçi dhe z. Shpëtim Kola me të cilët kemi qenë në kontakt të përhershëm që nga vizita ime e fundit në Ottawa.

Ajet Nuro

Montreal, Kanada 9 korrik 2012