Dituria

  • Rrit madhësinë e fondit
  • Madhësia normale e fontit
  • Ul madhësinë e fontit
Home Poezi-Poesi Remzi Basha: Poezi - PRANVERA

Remzi Basha: Poezi - PRANVERA

Remzi  Basha

 

 

PRANVERA E PARË

 

Zogu i urtë

shkundi puplat

në breg të lumit

dhe fluturoi

në drejtin të deillit

fryn e shfryn

dhe lumi ish bërë det

erdhën shirat pastaj

si në kohëra të mëdha

e dielli ish ndal

mbi një mal

duke pritur zogun

në fluturim

               

PRANVERA E DYTË

Kjo nuk i ngjiste

pranverës së parë

solli shumë zogj

shumë këngë

shumë lumenj

zogjtë ishin më të bardhë

këngët me daulle

lumenjtë me vale

e dielli me zjarr

 

 

PRANVERA E TRETË

 

Si në ëndërr

shfaqet shpatë e Skënderbeut

e bie në duart e Ademëve

mallet prekin qiellin

zogjtë hedhin valle

bimët mbijnë si në përrallë

vashat shamizeza

tokës ia sherojnë plagët

nën tingujt e një kënge

që këndohet për herë të parë

në Atdheun plak…

 

Newsflash

 

TIRANË: NGA AIITC  SHPËRNDAHEN ÇMIMET  VJETORE-2011,  PËR LETËRSINË DHE ARTET

Nga:  Prof.Murat Gecaj

publicist e studiues-Tiranë

Tashmë, siç është bërë praktikë e përvitshme, në kryeqytetin Tiranë, nën kujdesin e Ministrisë së Turizmit, Kulturës, Rinisë dhe Sporteve, u organizua ceremonia e shpërndarjes së çmimeve për vitin 2011, për letërsinë e artet, që jepen nga Instituti Shqiptar i Mendimit dhe i Qytetërimit Islam (AIITC).

Ishin të pranishëm shkrimtarë e poetë, punonjë të artit, kulturës e shkencës, profesorë dhe akademikë, nga media e shkruar dhe ajo elektronike e tjerë. Ndërmjet tyre, ishte edhe drejtori i Muzeut Historik Kombëtar, Prof.Dr. Luan Malltezi.


Dr.Ramiz Zekaj, drejtor i AIITC, duke mbajtur fjalën e rastit

Moderatorja e veprimtarisë, Afërdita Hyseni ia dha fjalën Dr. Ramiz Zekaj, drejtor i AIITC. Ndër të tjera, ai theksoi se ky konkurs, tashmë, është bërë i përvitshëm, me pjesëmarrje nga Shqipëria, Kosova, Maqedonia, Mali i Zi e Diaspora shqiptare. Ai i shërben nxitjes së krijimtarisë në fushën e studimeve, në letërsi dhe arte figurative. Për këtë arsye dhe pjesëmarrja në të, është gjithnjë në rritje. Pas tij, foli Dr. Enver Bytyçi  dhe përshëndeti zv.ministrja e Turizmit, Kulturës, Rinisë e Sporteve, Suzana Turku. Me interes u dëgjua nga të pranishmit fjala e të ftuarit të nderit me origjin shqiptare, nga Arabia Saudite, Ismet Qazimi.


Pamje nga salla, ku u zhvillua veprimtaria

Në këtë tubim mbresëlënës, jo vetëm për krijuesit në fusha të ndryshme, por dhe për të gjithë pjesëmarrësit, instrumentistë të orkestrës së Ansamblit Shtetëror luajtën pjesë të bukura muzikore. Ndërsa krijueset e reja, Besjana Papa e Valbona Hykaj, recituan nga poezitë e tyre më të bukura.

Pastaj, në emër të jurive përkatëse, fituesit pjesëmarrës në konkurs i shpallën: Prof. Dritan Egro, Prof. Skënder Kamberi e Prof. Visar Zhiti. Konkretisht, ata i shpërndanë çmimet, sipas kategorive të ndryshme.

Libri më i mirë, në fushën e shkencës dhe të kulturës islame, u cilësua “Rrugëtim i fesë islame në Shqipëri, 1912-1967”, me autor Ali Bashën (pas vdekjes). Me çmim të dytë u nderua libri,  “Krerët fetarë në Lëvzjen Kombëtare Shqiptare, në Vilajetin e Kosovës, 1878-1912”, me autor Mr. Nuridin Ahmeti. Ndërsa me çmime të treta u nderuan librat: “Institucionet islame të Shkodrës” (me autor Smajl Bala) e “Kronologjia shqiptare dhe kalendarët arabë-osmanë” (me autor Dr. Ibrahim Gashin-pas vdekjes).


Rezarti, djali i Dr. Ibrahim Gashit, duke falënderuar për çmimin

Peisazhi më i bukur,  në penelat e piktorëve shqiptarë, u vlerësua punimi i autorit Ervis Kosova dhe me çmim të dytë u nderua Vullnet Alushaj.

Ndërsa për krijimtarinë më të mirë nga moshat e reja, në prozë dhe në poezi, me tematikë “E bukura në shpirt dhe në jetë”, u vlerësuan disa autorë. Me çmim të parë u nderuan Elona Skeja e Besjana Papa, me çmim të dytë Valbona Hykaj dhe me çmim të tretë: Dorina Behari, Olsi Paja, Rovena Xhili e Romario Xhaferri.


Të gjitha çmimet u shoqëruan me diplomat përkatëse.

Në mbyllje të veprimtarisë, pjesëmarrësit morën pjesë në një koktej të përbashkët.

Më poshtë po publikojmë dhe disa fotografi  tjera, nga kjo veprimtari.

Tiranë, 11 qershor 2011