Dituria

  • Rrit madhësinë e fondit
  • Madhësia normale e fontit
  • Ul madhësinë e fontit
Home Poezi-Poesi Adelina Dokja: Te ndjehet e blerta dashuri....!

Adelina Dokja: Te ndjehet e blerta dashuri....!

 Adelina Dokja

 

Te ndjehet e blerta dashuri....!

 

Nëse ndonjëherë më kërkon të më gjejshë...
jam tek yjet në qiell që dritat ndezin ,
jam tek hëna që më shoqëron netëve pa gjumë ,
Jam atje ku ngroh dielli - zemrat e te dashuruarve !

Ndaj, kërkom kur zbardh agimi
dhe rrezet e para të zgjojnë duke të puthur !
Kërkom në muzgun e mbremjes ! Se :
- fshehurazi putheshim dhe qiellin e preknim me dorë !

Atëherë - buzqeshja dhe lumturia zemrat i shkulte,
bote e pafajshme hapte hotizontin e ndjesisë !

Eja të hyjmë në thellësi të intimës,
ku rrenjët trendafili ka shtrirë dhe rritet,
sa here te te ndjeshe aromën e ekstazës,
aty do gjejshë kujtimin tim te vyer.

Eja ! jam blerimi i njomë i shndërruar në oreks
per te rritur qengjat e mirësisë - përgdheli për mua !

Eja ! Jam nëpër burime, mbushi duart dhe pi,
do ndjesh shijen e duarve të mija
dhe do mendosh, se s'ka ujë më të mirë se ky
qe sheron shpirt e zemër , dhe mushkëri
që frymojnë për jetën kur ishim të ri !

Eja ! Kërkom në sytë e nxënesve, që s'mund të mbarojnë
se nisën udhekryqe jete, shtegtime, mërgime
për mungesat që prishën mirëqeniet e -
kërkonte libra Nurija shtatevjeçe,
nga ankthi dhe dashuria të jetë ne Atdhe
lotet shperndante si pusi betejash!

Eja !Kerkome ne kodrat e pikellimit me bore mbuluar,
- vello e nusërise time eshte ndryshkur ne heshtje
dhëndrrin e penduar se ka harruar
te vijë per të prishur heshtjen e gjatë
dhe plaget e mallit të sherojë !

Nëse do te zbulosh misterin e ndodhise
pyeti pellumbeshat qe ne qiell fluturojne
u kanë shkruar mesazh reve t'më gezojne.
me fluturime filmike me kanë shtuar shpresat
mos me djege shpirtin dhimbja e dashurisë !

Eja ! Do t'me gjejshë të dehur mbi vargjet e mija,
ashtu sic beja une dikur,e perkushtuar !
Do te buzëqashë me rimat qe pikojnë mall
edhepse s 'jam poete dhe shkruaj thjeshtë ,
per shijen e jetes shtoj shpresa!

Kerkome ne dallget e detit kur jane te egersuara
dhe vuajtje do shohesh dhe lote do te shijosh
ështe uji i kripur perzier mall e dashuri,
i shtuar në përmasë lotësh pa kufi !

Mos më kerko i dashuri im !
Jam në thellesi të zemrës tënde !
Aty e strukur jetoj e meditoj
e fshehur per të mos zgjuar kufomën e vetmisë ,
qe prajshëm fle me uratën ne gji!

Nese c'do hap që të hedhesh,
me hapat e shpirtit do te shoqeroj,
sa herë të gjendesh i trishtuar,
unë me perqafime malli do t'mbuloj.

Mos kerko larg!
Me boren time do mbuloj çatinë,
ne kopshtin tend do rritem - trendafil,
per qilim gjethet do shtroj,
ne diell do shderrohem kur te kesh ftohte,
ne vese do kthehem mbi petale ,
te ndjehet e blerta dashuri!

 

Newsflash

Përshëndetje nga Suedia:

”JU,  NA SOLLËT FRESKINË KOMBËTARE,  NGA SHTETI YNË AMË, SHQIPËRIA”

Nga: HYSEN IBRAHIMI

kryetar i Shoqatës së Shkrimtarëve, Artistëve e Krijuesve Shqiptarë-Suedi

Nga e majta: Prof.Bedri Paci, Prof. Murat Gecaj, Hysen Ibrahimi dhe Prof.Viron Kona (Boras-Suedi, më 14 prill 2012)

I nderuari Miku im, Prof. Murat Gecaj,

Përshëndetje!

Mënyra e vlerësimit Tuaj, për mikëpritjen në Suedi, përmes shkrimeve të publikuara, është virtyt i njerëzve me traditë, kulturë e mirësi të sinqertë. Ajo nxjerr mësime për ardhmërinë e njerëzve, se si duhet çmuar mikëpritja vëllazërore, kur ata duan të jenë mirënjohës dhe vlerësues për Ju, që na sollët freskinë kombëtare ,nga shteti ynë Am- Shqipëria dhe që na latë mbresa të papërshkruara.

Të gjithë nuk dinë dhe nuk munden ta bëjnë këtë, pa pasur një traditë familjare, të trashëguar nga të parët e tyre. Kur flasim për një vlerësim të tillë, pothuajse menjanon çdo dilemë të pritjes së shkëlqyer. Ju, me komplimentet e juaja (sikurse ju, që i shprehni me ëndje), mbase, me emër dhe mbiemër të shumicës që ndodheshin të pranishëm, i përshkruani dhe i nderoni ata. Kjo nuk do koment! Mirëpo, në shkrimet e juaja tejet mbresëlënse, shihen kufijtë e shtrirjes me motive për bashkëpunim, për lidhje ende më të forta vëllazërore e kolegjiale, që në vete ngërthejnë një kuptimësi të thellë. Mërrëdhëniet e tilla, vetëm sa e forcojnë bashkëpunimin e dyanshëm.

I dashuri Prof. Gecaj,

Ju, deri më tani, e keni prekur vetëm njërën anë të ”medaljes”. Pra, keni folur për përshtypjet e juaja, gjatë përvjetorit të 5-të të Qendrës Kulturore Shqiptare "Migjeni", në Borås të Suedisë, si dhe  për pjesëmarrësit, për kulturën dhe traditën suedeze dhe për ne, në përgjëthësi. Gjë që mendoj se keni vepruar drejt. Kurse nuk flisni për anën tjetër të ”medaljes”,  pra ajo që duhet vlerësuar nga ne, në Suedi, për përshtypjet tona për Ju, që na sollët freskinë kombëtare nga shteti ynë Amë Shqipëria, që janë të pa përshkruara. Kanë dallim të madh. Përshtypjet e juaja, që latë te ne, janë shumë më të mëdha. Ato ngjallën ende më shumë emocione, sepse vetë prania e Juaj na bëri të ndjehemi në vendlindje. Ju, profesor i nderuar Murat Gecaj, së bashku me shkrimtarin Prof. Viron Kona, Kozeta Hoxhën dhe Kadrije Gurmanin,  e zhdukët kufirin midis dy rajoneve shtatërore, pra Shqipëri-Suedi, për të qenë të pranishëm në një ngjarje kulturore, në Suedi. Kjo rezulton për ndjesinë tuaj të mbrendshme,  e cila nxjerr në shesh parimin intelektual, si njerëz të artit, letërsisë, kulturës dhe traditës kombëtare shqiptare.


Nga e majta: Mr.Sadulla Zendeli-Daja, Prof. Bedri Paci, Prof. Murat Gecaj, Rrahman Rrahmani, Hajdin Selaci, Hysen Ibrahimi, albanologu Ulmar Kvik, Mursel Shkupolli, Prof. Viron Kona, Miftar Havolli dhe Prof. Fetah Bahtiri (Boras-Suedi, më 14 prill 2012)

Ardhja e juaj në Boras të Suedisë, në mënifestimin tonë, nuk ishte thjeshtë vetëm sa për një pjesëmarrje të një përvjetori. Por ju kishit dashurinë për t’u takuar me ne, si vëllezër, si krijues dhe veprimtarë.

Pranija e juaj, te ne (po guxoj të flas në emër të të gjithëve), padyshim, la qind për qind disponimin, imazhin, atmosferën dhe idenë, të cilat kanë një kuptim e domethënie të vetme, që quhet: Mesazh! Po si? Që ta duam sa më shumë njëri-tjetrin, të punojmë e të krijojmë vlera artistike dhe t’i ruajmë miqtë tanë. Mënyra  e lëvrimit të dijes duhet përdorur drejt dhe mirë, për t’i bindur miqtë tanë, se ne kemi rrënjë të thella në qytetërimin e Ballkanit dhe Evropës. Veç jo me fjalë, por me vepra konkrete/

Populli ynë shqiptar, duhet që patjetër, në një të ardhme të afërt, ta zerë vendin e merituar, në mesin e popujve të qytetëruar të Perëndimit. Të gjitha këto, ne i kemi parë dhe i kemi lexuar në fëtyrat  tuaja shumë të dashura. E kemi ndjerë praninë tuaj, më shumë se vëllazwrore. Ana e juaj, ka shfaqur rreze drite, të cilat kanë shkëlqyer.

Çdo libër i firmosur nga autorë të ndryshëm, tek unë zë vend të merituar në sirtarët e biblotekës sime private. Po, librat  tuaj, kanë zënë aty një vend të posaçëm. I kam lexuar me ëndje dhe, sa herë i shikoj, nuk mundem pa i shfletuar edhe njëherë, sepse ato më sjellin në Shqipëri. Kurse ”MIRËNJOHJA” juaj, e kryesisë së Shoqatës së Arsimtarëve të Shqipëisë,  është venw në krye të ”mirënjohjeve” të tjera, në sallonin  tim të shtëpisë, si njëra ndër më të çmuarat. Për këtë, ju kam shkruar e dërguar letër falenderimi, e cila dhe është publikuar më parë në Internet.

Dua ta përfundoj këtë mesazh timin, me këtë thënie:

”Betohem se nuk ka orë, pa menduar, për popullin tim, për vendlindjen, për shoqërinë, për njerëzit që na donë dhe i duam!”. Ne ju duam juve dhe, ndoshta, me këtë mall një ditë do të prehemi të qetë në tokë të huaj. E, dikur, vetëm veprat dhe këto shkresa e letra, që po i shkruajmë , do të flasin shumë. Ato do të jenë dëshmitarë për marrëdhëniet vëllazërore, që ne mërgimtarët shkëmbejmë tani,  me vendin Amë-Shqipërinë.

Mëshira dhe bekimi i Zotit, qofshin me Ju dhe familjet tuaja!

Stockholm/Suedi, më 6 maj 2012