Dituria

  • Rrit madhësinë e fondit
  • Madhësia normale e fontit
  • Ul madhësinë e fontit
Home Poezi-Poesi At Gjertgj Fishta: HYMNI I FLAMURIT KOMBTAR

At Gjertgj Fishta: HYMNI I FLAMURIT KOMBTAR

HYMNI FLAMURIT KOMBTAR

                              

NGA AT GJERGJ  FISHTA

  

                      Porsi fleta e Ejllit t'Zotit

Po rrehe Flamurii Shqipnis,

E thret t'bijt e Kastrijotit

Me u mbledh tok nder cete t'ushtris.

                      Bini, Toske, ju bini Gege!

Si dy rrfe, qi shkojn tue djege!

A ngadhnyese a t'gjith deshmore!

Trima, mbrende!me dore!me dore!

                      Per mbas Flamrit t'vet Shqyptari,

Kur rroke per t'drejta t'veta,

Atje lufta ndezet zhari,

Atje anmiku vehet m't leta.

Bini, Toske! etj.

                      Mbi njate Flamur Perendija

Me dore t'vet Ai e ka shkrue:

"Per Shqyptare do t'jet Shqypnija:

Kush u a preke, ai kjofte mallkue!"

Bini, Toske! etj.

                      Shka? a thue 'i mend se ate toke t'bekume,

Qi vete Zoti na ka dhanun,

Sod me e shkele kamba e poshtnume

E nji t'huej't na kem m'i lanun?

Bini, Toske! etj.

                      Ah; jo kurr. Njiqind here para

Kem' me u shkri me gra, me fmi!

Kem' me mbete kortare nder ara,

Se me shkele lame t'huej'n n'Shqipni.

Bini, Toske! etj.

                      M'kambe, Sokola te Shqypnis

Flamuri i yne, qe, n'ajr po shtiellet

Si pol veshet t'Perendis,

Kah na ban hije prej qiellet.

Bini, Toske! etj.

                      Ma mir deke me u shue nen hije

T'Flamurit t'one ne fushe t'mejdanit,

Se me rrnue nji jete robnije

Per nen sukuj t'hueje t'Ballkanit.

Bini, Toske! etj.

                      Armet e besen na i njeh bota;

Trima n'za kem 'pasun t'Paret,

Ke, thue, frige do t'ken Shqyptaret?!

Bini, Toske! etj.

                      Urra!djelm, eh 'u u dhashte e mbara!

Sod  a kurr, me deke p'r Atdhe!

Flamuri i yne, qe, u nis perpara:

Ndihmo, Zot, per Atme e Fe!

Bini, Toske!

 

 

Newsflash

Në Shqipëri:

                                                                               SOT, NISI VITI I RI SHKOLLOR

 

Nga: Prof.as.Dr. Murat Gecaj

sekretar i Përgjithshëm i Shoqatës së Arsimtarëve të Shqipërisë

 

Mëngjesi i ditës së sotme ishte ndër më të veçantit, për fëmijët dhe nxënësit e arsimit parauniversitar, si dhe për prindërit e mbarë shoqërinë, në Republikën e Shqipërisë. Kryeqyteti Tiranë, por dhe qytetet e tjerë dhe krahinat fshatare, u zgjuan nga zërat gazmorë të fëmijëve e nxënësve, të cilët e nisën vitin e ri shkollor 19911-1912, në udhën e dijes dhe përparimit të pandalshëm të mbarë shoqërisë shqiptare.

Sigurisht, në procesin pa kthim të ndëryshimeve demokratike në vendin tonë, çdo vit i ri shkollor sjell dhe risitë e tij. Në vazhdim të arritjeve të mëparshme, ndër synimet kryesore, siç nënvizohet dhe në Përshendetjen e rastit të Ministrit të Arsimit dhe Shkencës, Myqerem Tafaj, do të jenë puna dhe përkushtimi i të gjithëve, për rritjen e cilësisë së mësimit dhe edukimit, në shkolla e jashtë tyre, duke synuar arritjen e standardeve të vendeve më të zhvilluara, europiane e më gjerë.

 

Përsëri bashkë…Sot, para shkollës 9-vjeçare “Jeronim De Rada”-Tiranë (Foto: M.Gecaj)

Por  institucionet qendrore të arsimit dhe ato vartëse në rrethe, drejtoritë e shkollave 9-vjeçare e të mesme, në bashkëveprim me prindërit dhe gjithë faktorët e tjerë të interesuar, për mbarëvajtjen e arsimit tonë, do ta përqendrojnë vëmendjen edhe në disa drejtime tjera të veçanta. Kështu, do të punohet me ngulm për shtimin e pjesëmarrjes në arsimin parashkollor dhe që çdo nxënës ta përfundojë sa më mirë arsimin e detyruar bazë, që në vendin tonë është ai 9-vjeçar. Lidhur ngusht me këtë përparësi, është vëmendja, që lipset treguar për të mos patur asnjë largim nga arsimi i detyruar dhe të bëhen përpjekje të përbashkëta që të gjithë nxënësit, pas mbarimit të 9-vjeçares, t’i vijojnë rregullisht gjimnazet, që janë shtrirë në të gjithë vendin. Një ndihmesë e veçantë, në këtë drejtim gjatë këtij viti arsimor, është përfundimi i Reformës së përmbajtjes në arsimin bazë. Gjithashtu, me rëndësi do të jetë edhe vëmendja për modernizimin e arsimit profesional etj. Në vazhdim të përvojës për organizimin e veprimtarive kulturore e sportive etj., një kujdes i posaçëm do t’i kushtohet punës për krijimin e mjediseve sa më të pastra e të kulturuara dhe për zhvillimin e veprimtarive sa më masive, me përmbajtje edukuese e argëtuese, në prag të 100-vjetorit të Shpalljes së Pavarësisë sonë Kombëtare, pra të 28 Nëntorit 2012.

Që nga dita e sotme dhe në vijimin e nëntë muajve, kopshtet dhe shkollat e arsimit parauniversitar në Shqipëri, do të jenë në punë dhe veprimtari të gjithanshme, që brezi ynë i ri të marrë sa më shumë njohuri e dituri. Kështu, ata do të aftësohen më tej në përballimin sa më mirë të kërkesave të shumëllojshme, që dalin në përshtatje me ekonominë e tregut, në rrjedhën e zhvillimeve europiane e me gjerë. Në tërë këtë mision e punë fisnike dhe me shumë përgjegjësi, do ta japë ndihmesën e saj bashkëpunuese edhe Shoqata jonë e Arsimtarëve të Shqipërisë.

Tiranë, 12 shtator 2011