Dituria

  • Rrit madhësinë e fondit
  • Madhësia normale e fontit
  • Ul madhësinë e fontit
Home

Zabit Rexhepi: Një orë e vecantë mësimi

 

Një orë e veçantë mësimi       kl.  IIA

 

 

 

 

 ZABIT  REXHEPI  ZV/DREJTOR I SHKOLLES  9-VJEÇARE “DEMOKRACIA”  DURRES    

    

                     

Pjesa e pare

 

 

Shkolla 9-vjeçare  “Demokracia” në Durrës, prej disa vitesh është binjakëzuar me “Fjardingskolan” në Boras të Suedisë.

Gjatë këtyre viteve janë bërë vizita Durrës-Suedi dhe anasjelltas nga mësues dhe nxënës të të dyja shkollave. Përvoja e fituar ka qenë ndihmëse për të dy partnerët.

Në vizitën që bënë në tetor 2010 miqtë suedezë,krahas veprimtarive të tjera, bënë edhe një takim me shkrimtarin Viron Kona. Vironi u dhuroi disa libra  për t’ua dhënë fëmijëve shqiptarë që mësojnë në këtë shkollë. Në bisedë e sipër ata u interesuan për librin “Eh,more Bubulino” dhe premtuan që do e përkthejmë edhe në gjuhën suedeze për nxënësit e tyre por edhe për nxënësit shqiptarë që ta lexojnë në të dy gjuhët.

Në muajin maj 2011 një grup mësuesish dhe nxënësish nga shkolla jonë bënë një vizitë në Boras, në shkollën simotër. Suedezet e mbajtën fjalën, e kishin përkthyer dhe botuar në suedisht librin e Vironit.

Për këtë ata ftuan në shkollën e tyre shkrimtarin. Biseda me nxënësit suedezë dhe shkrimtarit u bë shumë e këndshme dhe zgjati tej parashikimeve.

Pas kthimit nga Suedia ne i kërkuam Vironit nga një libër për nxënësit e klasës së IA   të shkollës sonë që ta lexonin gjatë pushimeve te verës dhe të ishim gati për të pritur miqtë suedezë në tetor.

 

 

Pjesa e dyte

Një punë e palodhur e mësueses së klasës së IIA  Vangjeli Biti ,me nxënësit dhe prindërit i dha rezultatet e saj.

Dhe ja,erdhi data 13 tetor 2011 ku nxënësit të preokupuar presin te interpretojnë pjesë nga libri “Eh,more Bubulino” në prezencë të miqve suedezë,shkrimtarin Viron Kona dhe mësues të shkollës.

Futemi në klasë. Klasa është bërë “ndryshe” sot. Nxënësit si lule të bukura e të freskëta na shikojnë me shumë kureshtje .

Bëjmë prezantimin e miqve suedezë. Bëhem gati te prezantoj “babain” e Bubulinos  por nxënësit njëherazi shqiptuan vetë emrin e shkrimtarit.

Të gjithë drejtuam shikimin nga Vironi.Vironi si Vironi ,qëndroi në heshtje për disa sekonda, u afrua prane tyre duke i përshëndetur dhe përkëdhelur si miq të vërtetë.

Mësuese Vangjelia falënderoi pjesëmarrësit,foli shkurtimisht për punën e bërë nga nxënësit me këtë libër. Udhëzoi nxënësit të fillonin.

Nxënësit kishin përgatitur për të interpretuar tregimet:

1-Kush i hëngri llokumet me arra?

2-Bubulinoja  bëhet doktor i famshëm.

3-Bubulinoja shkoi të blejë një kokërr lakër.

4-Dëshira e fshehtë e Bubulinos.

Interpretim i shkëlqyer i nxënësve. Themi i shkëlqyer se janë nxënës vetëm një muaj në klasën e dytë,pra nxënës të klasës së parë.

Lëvizjet e tyre,komunikimi,gjestet,mimika dhe mesazhi që na dhanë na befasuan shumë.

U bënë shumë fotografi ,nga ne dhe suedezët. Të gjithë falënderuan mësuesen dhe nxënësit . Vironi qëndronte pa lëvizur .Sytë i mbetën te nxënësit:

Segita Zerdelia, Endri Lamaj , Iljara Hoxhallari, Enkeleda Çela, Brunilda Meçi, Sergei Prifti, Orgito Xhemollari, Erjon Brahimi, Kejsi Dedej, Adelis Murati dhe grupi i nxënësve që shoqëronte.

 

Pjesa e trete

 

Pas kësaj ore të veçante u ulem për të pirë kafe. Drejtori i shkollës Avdyl Buçpapaj e mori fjalën i pari. Veç përgëzimeve  për mësuesen Vangjeli Biti pres të me thoni mbresat tuaja.

Fjalën e merr Sokol Demaku, mësues ne “Fjardingskolan” dhe përkthyes .Është hera e parë që nuk përktheva. Sinqerisht pashë një interpretim të bukur!

Ju lumtë!

Menjëherë drejtori i shkollës “Fjardingskolan”Per Kettisen tha:- Morëm një mësim të shkëlqyer!  Sa të kthehem në shkollën time do të punoj që edhe nxënësit e mi të bëjnë të njëjtën gjë. Mbeta pa fjalë,nuk kam se ç’fare të them.

Mësueset Annete dhe Sonja :Jemi në të njëjtin mendim me drejtorin!Përgëzime mësueses dhe nxënësve të klasës! U befasuam! Suksese!

Po ju Viron?  -Unë i pashë të “gjallë” personazhet e mi.  Ishin të    përkryer! Faleminderit shkollës suaj,mësueses dhe në veçanti nxënësve që megjithëse të vegjël interpretuan si aktore profesioniste. Sinqerisht nuk e mendoja këtë orë mësimi në këtë formë. Edhe unë mësova shumë.

 

Pjesa e fundit

Ç’fare mungoi? 

-  KAMERA!   

Nuk arritëm të filmonim!

 

Newsflash

 

Kuvendi i parë Themeltar i Shoqatës së Shkrimtarëve, Artistëve dhe Krijuesëve

 

Shqiptarë në Suedi, kryetar zgjodhi z. Hysen Ibrahimi.

 

Nr. 2011/006 Protokolli

 

                   Kryesia e punës në Kuvendin themeltar të SHSHAKSHS-së

 

Në sallën e lokalit të shkollës ”Förslöv Skolan” në Förslöv të Suedisë, në praninë e 61 delegatëve, u mbajtë të shtunën më 26 nëntor 2011 Kuvendi i parë Themeltar i Shoqatës së Shkrimtarëve, Artistëve dhe Krijuesëve Shqiptarë në Suedi (SHSHAKSHS) i thirrur nga Këshilli Inicues, i themeluar kohë më parë. Në këtë Kuvend, u hap edhe një ekspozitë e librave dhe e pikturave të shkrimtarëve dhe piktorëve shqiptarë që jetojnë dhe veprojnë në Suedi. Pjesëmarrësit në këtë Kuvend i përshëndeti në emër të nikoqirit z. Rrahman Rrahmani, anëtar i Këshillit Inicues dhe kryetar i shoqatës ”Nëna Terezë” në Ängelholm dhe pastaj ia dha fjalën z. Mr. Sadulla Zendelit – Daja, që ishte më i moshuari për të hapur Kuvendin Themeltar të SHSHAKSHS-së.

 

Kuvendin e përshëndeten: z. Adnan Dibrani, deputet në Parlamantin Suedez,  z. Halim Hoti, biznismen i dalluar në Suedi, drejtor gjeneral i firmës “Systemputs murning bygg i Tvååker” AB - Suedi dhe sponsor për librin e parë të shoqatës në fjalë, z. Naser Zeqiri kryetar i shoqatës ”Ilirida” si dhe deputet në asamblenë komunale të Halmstadit, z. Rrahman Rrahmani, kryetar i Shoqatës ”Nëna Terezë” Ängelholm, Kamer Bytyqi kryetar i shoqatës ”Shqiponja” dhe deputet në asamblenë komunale në Hörby, biznismeni Enver Jashari pronar i sallonit të automobilave ”Hörby Cars” në Hörby dhe sponsor (donator) për librin. Mursel Shkupolli, lexoi letrën përshëndetëse që kishte arritur Kuvendit, nga Kryesia e  Shoqatës së Krijuesëve Shqiptarë në Zvicër, z. Besnik Camaj, kryetar. Kuvendi zgjodhi Kryesinë e Punës në përbërje: Prof. Osman Ahmetgjekaj, prof. Fetah Bahtiri, Afërdita Avdyli Dolovac, Mr. Sadulla Zendeli-Daja dhe Shaban Gashi. Procesmbajtës u zgjodh prof. Shqipe Koshi.

Kuvendi, punimet i zhvilloi në frymën demokratike, ku u miruatua Rregullorja e Punës dhe Statuti, dhe u shpalosën idetë për punët të cilat priten nga Kryesia që do të dalë nga ky Kuvend. Duke marrë parasyshë shtrirjen e madhe gjeografike të Suedisë për gjithëpërfshirjen sa më të madhe të aktivitetit të mërgimtarëve shqiptarë në Suedi  që kontribuan për Pavarësinë së Republikës së Kosovës, u vendos që Kryesia të zgjedhet nga një përbërje të gjërë.

Kuvendi zgjodhi Kryesinë e Shoqatës së Shkrimtarëve, Artistëve dhe Krijuesëve në Suedi  prej 29 anëtarëve, me këtë përbërje: Hysen Ibrahimi kryetar,  Mr. Sadulla Zendeli nënkryetar,  Afërdita Avdyli-Dolovac nënkryetare,  prof.Shyqri Gjurkaj nënkryetar, Yllka Sheqiri nënkryetare, Avdyl Uka nënkryetar, prof.Osman Ahmetgjekaj sekretar, Rrahman Rrahmani arkëtar, prof.Fetah Bahtiri, prof. Ismail Imeri, Naser Zeqiri, prof. Riza Sheqiri, Hamit Gurguri, prof. Bedri Paci, prof. Shqipe Koshi, Shaban Gashi, Ferit Qollaku, prof. Sejdi Zeka, Florije Bajraktari, Mursel Shkupolli, Ahmet Ahmeti, Halim Hoti, Enver Jashari, prof. Sokol Demaku, prof.Raif Mehmeti, Shaban Murseli, Fortesa Hoti, Avdi Islami dhe Bahtir Latifi të gjithë anëtarë të Kryesisë.

Kuvendi po ashtu zgjodhi organet e saj përcjellëse si, Komisionin mbikëqyrës, Komisionin për informim, Komisionin për redaktim, Komisionin për lektorim, Komisionin për ndarjen e çmimeve dhe Komisionin për promovimin e veprave.

 

Për nderë të këtij Kuvendi, nga grupi i të rinjëve i cili vepron në kuadër të shoqatës ”Nëna Terezë” në Ängelholm, me në krye koreografin e mirënjohur z. Ahmet Ahmeti, çfaqen një pjesë teatrale kushtuar ish-Presidentit të Repiblikës së Kosovës dr. Ibrahim Rugova dhe disa valle burimore shqiptare.

Vlenë të theksohet se shpenzimet e e këtij Kuvendi i mbuluan vëllezërit Halim dhe Robert Hoti, gjë që për këtë u falenderuan publikisht.

 

P.S.

Teknikën me projektor dhe zërimin, i përgaditi z. Astrit Shkupolli.

 

Më 26 nëntor 2011                                                                                           Për Kryesinë SHSHAKSHS-së

 

Förslöv-Suedi                                                                                                Prof. Osman Ahmetgjekaj, sekretar.