Dituria

  • Rrit madhësinë e fondit
  • Madhësia normale e fontit
  • Ul madhësinë e fontit
Home Debattartiklar-Debatt artikuj Gentiana Zagoridha: NDIKIMI I USHQIMEVE NË ORGANIZMIN TONË

Gentiana Zagoridha: NDIKIMI I USHQIMEVE NË ORGANIZMIN TONË

Gentiana Zagoridha

NDIKIMI I USHQIMEVE NË ORGANIZMIN TONË

Për shëndetin dhe mënyrën e të ushqyerit jemi të gjithë të ndjeshëm.Ajo që duhet të kemi gjithnjë parasysh për të qenë të shëndetshëm e jo të shëndoshë është t’i japim më shumë përparësi cilësisë se sa sasisë së ushqimit për këtë arsye dieta jonë e përditshme duhet të jetë sa më e larmishme, të hamë në mënyrë të rregullt dhe të ekuilibruar duke i dhënë organizmit të gjitha substancat që ai ka nevojë. Po cilat janë këto substanca që organizmi ynë ka më shumë nevojë?

Drithërat – Për të kryer të gjitha aktivitetet e përditshme trupi ynë ka nevojë për energji.Burimi kryesor i energjisë janë karbohidratet.Karbohidratet gjenden kryesisht te drithërat,buka dhe orizi.Përdorimi i drithërave në dietën ushqimore mbron organizmin nga sëmundjet e zemrës.Karbohidratet formohen nga proçesi i fotosintezës,duke u nisur nga H2O dhe CO2.

Vajrat dhe yndyrnat e ngurta – Ndonëse shpeshherë,vajrat dhe yndyrat trajtohen si të dëmshme për organizmin,ato janë të domosdoshme dhe duhet të përfshihen në mënyrë të rregullt në dietën tonë të përditshme.Në këtë grup bëjnë pjesë disa acide yndyrore,si ai linoleik dhe linolenik.Këto acide janë të domosdoshme për organizmin,pasi nuk prodhohen dot prej tij,por duhen marrë me anë të ushqimit.Burime të vajrave të dobishme dhe të shëndetshme për ne janë: ulliri,luledielli,misri,soja,arrat si dhe vajrat që vijnë nga peshku.

Mishi,peshku dhe veza – Proteinat të cilat gjenden me shumicë tek mishi,peshku dhe vezët janë të rëndësishme për zhvillimin dhe mbarëvajtjen  e organizmit.Është vërtetuar se përdorimi i peshkut ul rrezikun e atakëve kardiakë,pasi ai është i pasur me me yndyrna të tipit omega 3.Pulat dhe gjeli i detit kanë epërsi sepse nuk përmbajmë shumë yndyrna të ngopura,si dhe asimilohen më lehtë nga organizmi.Edhe vezët nuk mbeten më mbrapa megjithëse për një kohë të gjatë janë parë me sy negativ për shkak të kolesterolit që përmbajnë.E bardha e vezës është shumë e pasur me proteina dhe këshillohet për dietën tonë.Veçanti përbëjnë personat që vuajnë nga sëmundje të zemrës dhe diabeti për të cilët nuk këshillohet të hanë më shumë se tri vezë në ditë.

Frutat dhe perimet – Janë burimi kryesor i vitaminave,të cilat konsiderohen me të drejtë si katalizatorë të shumë proçeseve jetësorë.Përveç kësaj ato janë shumë të pasura dhe me shumë kripëra minerale.Një dietë e pasur me fruta dhe perime zvogëlon rrezikun e atakëve kardiakë,të trombozave,lëvizjeve të tensionit të gjakut dhe nga ana tjetër vonon degradimin e indeve muskulore.Ato ndihmojnë në ruajtjen e shikimit,i cili dobësohet sidomos pas moshës 65 vjeç.Për rëndësinë që paraqesin në mbarëvajtjen e organizmit tonë po përpiqem të veçoj disa prej tyre duke i shoqëruar dhe me efektet përkatëse në organizëm:

Portokalli mbron zemrën,parandalon kapsllëkun,ndërpret diarrenë,përmison kapacitetin e mushkërisë,mbron nyjat.Ai përdoret me sukses në luftimin e sëmundjeve të veshkave.Gjithashtu është vërtetuar se lëngu i portokallit rrit rezistencën e trupit ndaj gripit,heq lodhjen si dhe aktivizon funksionet e trurit dhe forcon venat e gjakut.Në 100ml lëng portokalli ka 65mg vitaminë C.Kjo vitaminë merr pjesë në shumë proçese të shkëmbimit të lëndëve në organizëm dhe tretet lehtë në stomak.Nga lëkura e portokallit del vaj eterik shumë i mirë i cili përdoret për prodhimin e pijeve,aromave e ilaçeve.

Molla – Molla përbëhet nga uji,proteina,pak yndyrna,sheqerna të llojeve të ndryshme si glukoza,fibra,kripëra minerale si fosfori,kalçiumi,magnezi,hekuri,jodi.  Gjithashtu ajo është shumë e pasur me vitaminat C,PP,B1,B2,A.Është vërtetuar se ajo përmban vlera ushqyese të plota në krahasim me frutat e tjera.

Rrushi – Përmban sasi të konsiderueshme sheqeri,kripëra të kalciumit,hekur, vitamina B dhe C.Lëngu i rrushit është ilaç  efikas për sëmundjen e mëlçisë,sëmundjeve të zemrës,veshkave,mushkërive.Mjekët e rekomandojnë në rastet e anemive dhe në shumë sëmundje të stomakut dhe zorrëve.

Dardha – Dardha përmban kripëra minerale,si kaliumi,kalciumi,hekur,sheqer, vitamina C,B1,B2,B6,karotinë.Është freskuese gjatë stinës së verës dhe qetësuese,largon etjen,pastron zorrët dhe veshkat,jep energji,kuron mëlçinë dhe lufton aneminë.

Shega – Shega me farat e saj të kuqe është një frut përveçse i shijshëm por edhe shumë i vlefshëm për organizmin.Lëngu i shegës shuan etjen,nxit oreksin dhe përmison tretjen e ushqimeve.Ajo përdoret shumë në kurimin e sëmundjeve të stomakut dhe zorrëve,pasi lufton parazitët dhe eliminon helmet e organizmit.Shega është një burim mjaft i pasur i vitaminës C.

Manaferra – Frutat e manaferrës janë mjaft të shëndetshme.Ato përmbajnë sheqerna,vitaminë C,karotenë,vitaminë E etj.Frutat e saj përdoren kur ke probleme me kyçet e gjymtyrëve,infeksione në veshka,kollë etj.Përveç fryteve ,bima e manaferrës njihet dhe për rrënjët e saj “çudibërëse”.Çaji i përftuar nga rrënjët e manaferrës është shumë i dobishëm për kurimin e sëmundjes së diabetit.

Kivi – Është një burim mjaft i mirë i vitaminave C,A dhe E.Frutat e tij janë mjaft të rekomandueshme për fëmijët që vuajnë nga astma.Ato janë të pasura me fibra,kalium,magnez,mineral i rëndësishëm në punën e sistemit kardio-vaskular dhe muskujve.Ai përdoret në trajtimin e shumë sëmundjeve si : depresion,diabetin.sytë, në rregullimin e tensionit të lartë të gjakut,forcimit të imunitetit,gjendje alergjike,gripin,rrufën etj.

Ananasi – Ananasi ndihmon në forcimin e kockave,përmisimin e gjendjes së gripit si dhe ndihmon në uljen e rrezikut për sëmundjet e zemrës.Ai është një frut shumë i pasur me vitaminë C dhe B.Duhet theksuar se është tepër e rëndësishme që fruti të jetë i freskët dhe kjo që dallohet tek gjethet e tij.Ato duhet të jenë në ngjyrë jeshile të errët.

Bananja – mbron zemrën,qetëson kollën,forcon kockat,kontrollon presionin e gjakut,ndërpret diarrenë.

Kajsia – lufton kancerin,kontrollon presionin e gjakut,mbron shikimin,ka efekt mbrojtës ndaj sëmundjes alzhemajër,zvogëlon proçesin e plakjes.

Brokoli – Është një prej perimeve më të nevojshëm për trupin sidomos gjatë stinës së verës,pasi ndihmon në qarkullimin e gjakut.Një studim i fundit ka treguar se ky perim ndikon dhe tek ata persona që vuajnë nga mushkëritë.Gjithashtu forcon kockat,shikimin,lufton kancerin,mbron zemrën,kontrollon presionin e gjakut.Është shumë i pasur me kalcium,hekur dhe magnez.Mbi të gjitha ka shumë vitaminë A dhe C duke ia kaluar dhe portokalleve.

Bizelet – Bizelet janë perimet që ndihmojnë trupin të mos preket nga gjendjet gripale.Ato kanë vlera të mëdha ushqyese duke qenë se bëjnë pjesë në grupin e ushqimeve të gjelbra.Janë të pasura me vitaminë C por vetëm në rastet kur bizelet janë vërtetë të freskëta.Sipas një studimi,përdorimi i 125 gr bizeleve në ditë është një metodë shumë efikase për personat që vuajnë nga zemra.

Spinaqi – Spinaqi është një nga perimet më të shëndetshme.Ai është mjaft i pasur me kalcium, vitamina K, A, C, E, B12, B6, magnez,hekur,kalium.Gjithashtu tek spinaqi gjenden bakër,proteina,fosfor dhe zink.Ai është mjaft i dobishëm dhe ndikon në forcimin e nervave,në parandalimin e astmës si dhe të problemit të zërit.Po ashtu spinaqi duke pasur një lëndë të quajtur “spinasinë”ndihmon tretjen e ushqimit si dhe në uljen e temperaturës së trupit.

Kërpurdhat – Që në kohët e lashta kërpurdhat janë konsideruar si ushqim me fuqi të veçantë.Ato kanë përmbajtje të vitaminave B të cilat janë shumë të mira për metabolizmin.Kërpurdhat përmbajnë shumë zink,që i bën kërpurdhat shumë të mira për sistemin imunitar.Ato janë gjithashtu një burim hekuri,që është mjaft i rëndësishëm për prodhimin e rruazave të kuqe të gjakut.Magneziumi që përmban ndikon në relaksim pasi ka efekte qetësuese.

Karrota – Për vetitë e saj karrota me të vërtetë mund të konsiderohet e pazëvendësueshme.Ja disa fakte mbreslënëse: Përveçse u bën shumë mirë dhëmbëve,ndihmon dhe në zbardhjen e tyre.I jep shumë energji trupit.Konsiderohet si element bazë në jetëgjatësi si dhe në funksionimin sa më të mirë të të gjitha organeve të njeriut.Në një periudhë shumë të shpejtë rikuperon pastrimin e gjakut,e pasuron me elementët e nevojshëm dhe ul rrezikun e shfaqjes së sëmundjeve të tjera.

Panxhari – Është një perime që të mbron nga rrufa.Panxhari ka në përbërjen e tij elemente që ndikojnë në shkatërrimin e bakterieve dhe viruseve,kështu që ai forcon organizmin dhe lufton sëmundjet.Ai përmban hekur,zink,selen dhe shumë vitaminë C.Panxhari ndihmon për të luftuar sëmundjet e zemrës,kontrollon tensionin e gjakut,lufton kancerin,forcon kockat,ndihmon gjithashtu dhe në uljen e peshës së trupit.

Kungulli – Asnjë ushqim nuk është aq i mirë sa kungulli për të forcuar organizmin.Kungulli përbëhet nga 94% ujë që do të thotë që nuk ka asnjë kalori.Përmban vitaminë C dhe betakaroten.Mjekët e vlerësojnë shumë për efektin parandalues ndaj tumoreve.Lëkura e tij është shumë e përdorshme si metodë shërimi në rastet e djegjeve të vogla.Është shumë i përdorur për të përgatitur kremrat kozmetikë,pasi duke u përzier me mjaltin shëron pikat e zeza në lëkurë.

Patëllxhani – Mendohet se patëllxhani ka ardhur nga India.Në Evropë e sollën arabët kur pushtuan Spanjën.Është shumë i pasur në minerale dhe vitamina,ku dallohet sasia e vitaminës C.Ai ndihmon tretjen e ushqimit dhe ka efekte pozitive për mëlçinë.Mjekët e veçojnë për faktin se bën balancimin e kripërave dhe ujit në trup.

Lakra e bardhë – Është shumë e pasur me aminoacide,sheqer,vitaminë B1, B2 dhe vitaminë C.Lakra përmban substanca të cilat kanë veprim për zhdukjen e bakterieve.Mjekësia popullore tregon se lakra është një nga bimët më çudibërëse dhe më të dobishme.Ajo përmban 22 kalori dhe ka gjithashtu përbërës që reduktojnë simptomat e gjendjeve gripale.Lakra mund të përdoret e freskët por mund të gatuhet dhe e zier me kujdes.Mjekët nuk e këshillojnë përdorimin e tepërt të lakrës si turshi.Lakra lufton kancerin,parandalon kapsllëkun,ndihmon në uljen e peshës,mbron zemrën,ndihmon në shërimin e homorroideve.

Domatja – Është një nga perimet e pasura me vitaminë C, A, kripëra minerale si kaliumi,hekuri,magnezi.Lëngu i freskët i domates forcon organizmin,shton oreksin,ripërtërin qelizat e lëkurës.Kjo perime ka veti kuruese dhe lufton qelizat kanceroze.Meqë përmban vitamina dhe mjaft kalcium është i preferuar të përdoret tek fëmijët dhe pleqtë.

Edhe kombinimi i lëngjeve të perimeve me frutat kanë ndikimin e tyre pozitiv në shëndetin e dietën tonë të përditshme.Ja disa rekomandime të vlefshme:

Lëngu i domates+karrotë+mollë përmison lëkurën në kompleks dhe eliminon erën e rëndë të frymës.

Lëngu i kungullit+mollë+qumësht shmang frymën e rëndë dhe redukton temperaturën e organeve të brendshme.

Lëngu i portokallit+xinxefill+kastravec përmison strukturën e lëkurës,rregullon lagështinë dhe redukton temperaturën e trupit.

Lëngu i ananasit+mollë+shalqi largon çrregullimet e kripërave,ushqen fshikëzën e urinës dhe veshkat.

Lëngu i mollës+kastravec+kivi përmison lëkurën në kompleks.

Lëngu i dardhës+banane rregullon përmbajtjen e sheqerit.

Lëngu i karrotës+mollë+dardhë+mango rregullon nxehtësinë e trupit,kundërvepron toksinat,zvogëlon presionin e gjakut dhe lufton oksidimin.

Lëngu i pjeprit+rrush+shalqi+qumësht është i pasuruar në vitamina C+B2  që rrit qelizat aktive dhe forcon imunitetin e trupit.

Lëngu i papajas+ananas+qumësht është i pasur me vitamina C,E,hekur përmison lëkurën në kompleks dhe metabolizëm.

Lëngu i bananes+ananas+qumësht është i pasur në vitamina dhe parandalon kapsllëkun.

Kujdes duhet të tregoni nga përdorimi i bukës së   bardhë,makaronave,orizit,sheqernave dhe kripës ato mund të shkaktojë shpeshherë një rritje të menjëherëshme të sheqerit në gjak.Kjo gjë çon në shëndoshje të tepruar,sëmundje të zemrës,diabet si dhe në çrregullime të tjera.Për personat e rritur që konsumijnë alkool,është provuar se sasi të vogla të tij në dietën e përditshme ulin rrezikun e sëmundjeve të zemrës.

 

Tidningen-Gazeta

Vem är Online?

Kemi 17 vizitorë n'linjë

Besökare

Shikimet e përmbajtjes : 1140335
SocialTwist Tell-a-Friend

Newsflash

Kadri tarelli

75 Vjetori i shkollës “Shaqe Mazreku”

Durrës më 27. 03. 2012

SHKOLLA “SHAQE MAZREKU” FESTON 75 VJETORIN

“Mirësevini të nderuar kolegë. 75 vjet në rrugën e dijes”

 

Me këto fjalë të shkruara në hyrje të shkollës 9-vjeçare “Shaqe Mazreku” në Durrës, u hap festa e bukur kushtuar 75 vjetorit të krijimit të saj, e cila e ka zanafillën në gushtin e vitit 1937. Një përvjetor i veçantë, pasi takon në vitin jubilar të 100 vjetorit të pavarësisë dhe shkolla “Shaqe Mazreku është një copëz e vogël në historisë një shekullore të shtetit Shqiptar. Në këtë ditë të shënuar, kishte një pjesëmarrje mjaft e madhe të mësuesëve, nxënësve, prindërve të shkollës, por edhe plot të ftuar të tjerë. Mes tyre edhe ish drejtues dhe mësues veteranë, të cilët kanë shërbyer në këtë shkollë vite më parë. Në nderim të kësaj ngjarje të madhe për shkollën dhe arsimin në Durrës, ishin edhe përfaqësues të pushtetit lokal, Prefekti z. Genc Alizoti, Kryetar e Këshillit të qarkur znj. Egla Begteshi dhe drejtori i DAR z. Filip Gjançi. Mes të ftuarëve ishte dhe kryetarja e bordit të shkollës znj. Mimoza Mele drejtore e kompanisë së sigurimeve SIGAl dega Durrës. Në fjalën e tyre, ata përshëndetën dhe uruan drejtorinë, trupën mësimore dhe nxënësit për punë të mbarë dhe suksese në vitet që do të vijnë, për të qënë ashtu si deri më sot, shkollë cilësore në krye të shkollave të Durrësit.

Sot shkolla, kjo vatër e dijes, e cila ndodhet në qendër të qytetit të Durrësit, mban emrin e nderuar të mësueses Shaqe Mazreku, vajzës nga Prizëreni e shpërngulur familjarisht në Durres, mbas vendosjes së kufinjëve, coptimit të trojeve shqiptare duke lënë jashtë Kosovën dhe troje të tjera. Shaqe Mazreku ishte pionere e parë femër në arsimin e Durrëst, e cila së bashku me misionaren tjetër mësuesen Marie Kaçulini, emrin e të cilës e mban një tjetër shkollë në qytetin e Durrësit, në kushte shumë të vështira që kalonte vendi, u përpoqën për hapjen e shkollave  në qytetin tonë. Ishin vitet e para pas pavarësisë. Gjendje lufte dhe trazirash. Trojet shqiptare ishin arenë luftimesh mes focave ndrëluftuese gjatë të luftës së parë botërore. E pikërisht këtu shfaqet madhështia, përkushtimi, idealizmi dhe dashuria e këtyre vajzave të reja, për t’u dhënë fëmijëve dije, kulturë e atdhedashuri. Ato u përballën me vështirësitë dhe pengesat, nuk u thyen dhe nuk u kursyen në përmbushje të misionit të tyre fisnik, për t’ u mësuar vocërrakëve të  vegjël gjuhën e bukur shqipe, shkencën dhe normat e qytetarisë durrsake.

Me kënaqësi të veçantë u ndoq programi artistik, që ishte përgatitur cilësisht mjaft mirë. Këngët, vallet dhe recitimet e nxënësve ndërthurreshin me pjesë të historikut të zhvillimit të shkollës ndër vite, të cilat u ndoqën me mjaft interes dhe u duartrokitën nga pjesëmarrësit e shumtë. Po kështu interes pati vizita në klasën ku ishin paraqitur punimet më të mira në vizatim dhe pikturë. Nga konkurimi u përzgjodhën 13 punimet më të mira, për të cilat u shpërndanë edhe çmime. Nxënësit fitues janë:  Servio Avdyli, Ina Selimi, Anxhelo Terniqi, Pamela Tare, Anxhela Shegani, Daniela Dhamo, Klara Avdyli, Luis Hoti, Erda Rama, Anxhela Imeraj, Gilda Kastrati, Sindi Dizdari dhe Fleura Çela.    

Në  fillimet e para, shkolla pati tri klasa të ciklit fillor me 150 nxënës dhe tre mësues me drejtues Aristidh Kero. Çdo vit numri i nxënësve shkoi në rritje. Kështu në vitin 1946 shkolla pati 5 klasa, 360 nxënës dhe 7 mësues. Në vitin 1962 kapaciteti arriti në 6 klasa, 486 nxënës dhe 12 mësues. Mbas një rikonstruksioni të përgjithshëm, në verën e viti 1968, nga shkollë fillore kaloi në sistemin 8-vjeçar me rreth 700 nxënës.  Ndërsa sot numëron 29 klasa, 895 nxënës dhe 38 mësues, duke u bërë një ndër shkollat e mëdha të qytetit të Durrësit.

Kanë kaluar shumë vite, jo pak por plot 75 vjet dhe shkolla “Shaqe Mazreku”, e cila ka fituar një emrë të mire, ka qënë dhe mbahet si një ndër shkollat më cilësore të Durrësit. E gjithë kjo, falë punës plot pasion dhe përkushtim të kuadrit drejtues, por edhe të mësuesëve cilësorë që ka patur vazhdimisht në gjirin e saj. Ndaj me nderim të veçantë u lexuan dhe u duartrokitën emrat e drejtuesëve të shkollës, të cilët me punën, kulturën dhe vizionin e tyre, kanë lënë gjurmë në ecurinë, emrin dhe sukseset e kësaj shkolle.

Drejtuesit ndër vite kanë qënë:

Aristidh Kero (drejtori i parë), Vlash Dyshniku, Jorgjica Kushi (Dokja), Jorgji Dhimitriadhi, Ramazan Kacani, Efigjeni Lasko, Raif Myshketa, Vangjeli Ziu, Vehap Muça, Tomorr Golemi, Zenepe Topi, Bardhyl Ramzoti, Eva Stavri, Dafina Kondi, Vera Xhafa, Gani Krasniqi, Vera Çela, Bujar Sefa, Kristaq Milo, Bashkim Shyle, Arben Peza, Adela Nikolli dhe drejtori aktual Yzeir Begteshi.

-“Çdo drejtues shkolle, apo mësues qoftë, e di mirë se, nuk është e lehtë të fitosh emrin e mirë, duke u përballur me vështirësitë e kohës, por më e vështirë është ta mbash atë, kur kërkesat për cilësi të nxënësve, prindërve dhe qytetarisë durrsake janë në rritje, aq më tepër kur, “Konkurenca” mes shkollave më të mira është një sfidë e hapur dhe e vazhdueshme”.  -Kështu shprehet në bisedë drejtori i shkollës Z. Yzeir Begteshi. Ai vazhdon:


-Vite më parë, duke vlerësuar cilësinë e punës së stafit pedagogjik, më 7 dhjetor 1071, shkolla jonë  është dekoruar nga strukturat shtetërore të kohës me urdhërin “Për shërbime të shquara”. Jam vërtet i kënaqur si drejtues i shkollës, pasi jo më shumë se dy vjet më parë, shkolla jonë çertifikohet nga MASH-i, “Ndër shkollat 9-vjeçare të qarkut Durrës, për rezultate të larta cilësore për vitin 2009 – 2010”. Nuk është pak. Është nderim për kolektivin mësues – nxënës, por edhe përgjegjësi që duhet mbajtur. Po e them me pak rezerva, por në çdo fillim viti shkollor ne ndodhemi në siklet të madh, kur fillojmë rregjistrimet, pasi ka shumë kërkesa nga nxënës dhe prindër jashtë zonës së përcaktuar që mbulon shkolla jonë. Shkaku është i njohur: Emri i mirë që gëzon shkolla jonë, korrektesa, serioziteti dhe kërkesa e madhe e mësuesëve ndaj nxënësve dhe cilësia e lartë në mësimdhënie dhe mësimnxënie. Duke u mbështetur në thënien e lashtë, se shkollën e mirë e bëjnë mësuesit e mirë, kam të drejtë të shprehem për mësueset e shkollës që unë drejtoj, se janë vërtet të zotë, të përgatitur e të përkushtuar. Mjafton të përmend se vetëm në këto dy – tre vitet e fundit nga shkolla jonë janë nderuar disa mësues: Mësuese Sotirika Shala vlerësohet nga MASH-i “Mësuese më e miër për vitin 2009 -2010”. Vazhdojmë më tej: në vitin shkollor 2010 – 2011 mësuesja e gjuhës dhe letërsisë Engjëllushe Dedej është ndër “10 mësuesit më të mire të vitit” të rrethit të Durrësit. Kështu mund të shtoj se, nxënësit tanë janë pjesëmarrës në të gjitha veprimtaritë që organizon QKF dhe DAR, duke përfshirë veprimtaritë letrare, artistike, sportive, konkurset shkencore dhe olimpiadat e matematikës dhe kanë zënë vende nderi. Pa e tepruar mund të them se nxënësit tanë që mbarojnë klasën e nëntë, janë të mirëpritur, bile duhet thënë janë të lakmuar nga shkollat e mesme të qytetit tonë. Duke lënë pak mënjanë modestinë, na vjen mirë për rezultate që kemi arrotur, ndaj dhe kemi të drejtë të krenohemi”.


Festa e bukur e 75 vjetorit të shkollës ishte organizuar bukur dhe la mbresa te të gjithë të pranishmit. Model për t’u marrë shembull.

Urime kolektivit mësues dhe nxënës të shkollës “Shaqe Mazreku”, për suksese të mëtejshme në rrugën vështirë të dijes dhe të edukimit.

Përgatiti

Kadri Tarelli