Dituria

  • Rrit madhësinë e fondit
  • Madhësia normale e fontit
  • Ul madhësinë e fontit
Home Poezi-Poesi
Poezi

Teuta Sadiku: POEZI

 

 

Teuta Sadiku


''Veç një ëndërr je''


Ndoshta nuk jam veç në ëndërr

Nuk e di .

Zemra po më plasaritet

dhe në të çarat e saj hyn veç shkëlqimi yt.

Po dhe ti nuk je veç një ëndër,

mos!

mos e fik dritën të lutem

ja dhe pak dhe do të tërhiqem pas xhamit

e purpurt do të bëhem njësh me lulëkuqet në lëndinë ,

ti të jesh i lirë

vargun do ta qep në astarin e ëndrës

ku i dihet mbase atje larg

mund të të duhet.

Nuk është se po largohem unë

po dheu pak nga pak po lëviz,

nuk ka mbetur më asnjë pikë ujë

të gjithë detin e piva

 

për të ardhur tek ty.

 

Teuta Sadiku: TUFÊ POETIKE

Teuta Sadiku


Rrugicëlarësja


Shtresa e ulet e ngriti pak kokën ,

sa për një frymëmarje të thellë, të çlirohej.

Pasi morri frymë thellë

ngriti këmbëzat e pantallonave deri në gju.

Rrugicat i shkundi me kujdes , tu hiqte pluhurin

që si kujtimet e liga ishte ngjitur pas pushit.

I mori dhe i shtriu në tokë një nga një

i bëri një rrugë të gjatë pambarim vuajtjesh

diku i largoi , u hapi vend si buzëgazi pas dhimbjes.

U ul në gjunjë në fillim,

pastaj këmbadorazi ndenji shumë orë

me furçën në dorë kokën rrugicave tu krehë.

..

Sa shumë gjurmë , kafshësh dhe njerzish

sa shumë lot mbi to qenë derdhur.

Ca trëndafilë ishin tharë në cep

dikush me këmbë  zemrën ua  kish shkelur.

Një tufë karafilash bojëdalë në mes

pa ngjyrë në fytyrë pas fjalëve   kishin mbetur .

Një çamçakëz  mbi një degë si fëmijë mistres

skish burrë nëne ta shkulte atje ku qe ngjitur.

Një tufë flokësh të zes i hoqi me dorë

ca bjonde në bordurë  rrinin serbes serbes

me siguri femra e fundit që kish shkelur mbi rrugicë

ndonjë kokëkuqe ka qenë.

Ja ku janë dhe hapat e mija

gjurmë të thella edhe pse pak shkela

mes gjithë flokëve të rëna në shesh të rugicave

pashë dhe dy tre thinjat e bardha të mija .


Lajmërim


Kërkohen punëtorë/e pa mëditje ose me lëmosha ,
pa siguracione ,aq më mirë nëse i paguani vetë
mundesisht nga vendet jashtë Europe
ta kenë gjuhën sa më të shkurtër
për të mos njohur as kërkuar të drejtë.

Preferohen të diplomuarit
me master në durim dhe zemërgjerëzi prej frike
për ti ardhur në ndihmë një zonje të rënde ,
po aq të moshuar sa mamaja ime
për 24 orë pune rresht.
Thuhet se vuan nga një sëmundje e keqe
prej vitesh .
Ju lutemi është urgjent.
Për më tepër informacion paraqituni pranë zyrave
në tregun e punës së zezë.


E huaja


Zonjë , me hidhërim të madh në shpirt

po ju lë shëndenë

Më duhet të shkoj

jo se ngutem për diku,

askush krahëhapur nuk më prêt

Po jam e detyruar të iki

të largohem nga ky vend .

Jam  e paligjshme tani

renda aq shumë rrugëve lart e poshtë

si Marathonomaku

sa ligji smë kapi e smë kapi dot

të më bënte qytetare të denjë

me të drejta të barabarta si të tërë.

Tani po rendin bijtë e tu rrugëve

me kamzhik e shkopinj gome në dorë

të më heqin qafe prej shtëpisë së tyre

jo se nuk më durojnë dot

po nuk ka më vend .

Mos e zgjat më, shumë mirë të kuptoj.

Edhe unë po largohem me shpirt në dhëmbë

Po koka më mbeti mbas

 

Gratë e vendit tim


edhe gratë e vendit tim

përveçse të mjelin e të shesin qumësht në bidon

dinë të dashurojnë

të përkëdhelin me duart e pjekura nga çapa e djersa

të puthin me zjarrm

buzë që nuk mund të  thonë dot

të dua , e dashur,

edhe gratë e vendit tim

përveçse të shesin prodhime në treg

dinë të flertojnë

me sytë e  zhytur në liqenin e lotëve

të ngrejnë

e të mbajnë në pëllëmbë një shpirt të rënë përtokë

edhe me  zemrën   bërë  copë -copë.

Gratë e vendit tim

nuk janë vetëm amvisa ,

as  vetëm nëna ,që rrisin në djepe  fëmijë

janë eros i lashtë  ,

janë diellzana

që me një shkëndijë sysh

të ndezin  të hatashme zjarre.

 

 

 

 


Faqe 69 nga 154

Newsflash

Sokol Demaku

Mërgata shqiptare në Mbretërinë e Suedisë shënoi  tre vjetorin e Kosovës shtet

Në qytetin e vogël të Suedisë perendimore Skene shqiptarët e kater qyteteve nga kjo zonë shënuan  bashkërisht trevjetorin e shpalljes së Kosovës shtet. Për ketë ditë të madhe gëzimi këtu në këtë regjion ishin angazhuar aktivist të njohur të jetës kulturore të shqiptarëve në diasporë si Avni Ismaili, Agim Bekteshi, Muharrem Shabani,Flamur Gashi  dhe shume te tjerë që kjo mbrëmje të jetë sa më madheshtore per familejt shqiptare që gravitojnë në këto treva të mbretësisë suedeze.

Të pranishmit nën tingujt e muzikës së bukur shqipe dhe ushqimeve tradicionale tonat darkuan së bashku, uruan njëri tjetrin për festën dhe shprehën shpresën për njohje të reja të shtetit të Kosovës dhe për ditë edhe më të mira për kombin shqiptar gjithandej ku jeton.

Lexo ma...