Dituria

  • Rrit madhësinë e fondit
  • Madhësia normale e fontit
  • Ul madhësinë e fontit
Home
Debattartiklar


MURAT GECAJ: MIKU YNË, SEJDO HARKA, TANI U BË ME DY 6-TA…

MIKU YNË, SEJDO HARKA, TANI U BË ME DY 6-TA…

(Urim për ditëlindjen)

Nga: MURAT GECAJ

1.

Me kolegun e mikun e kahershëm përmetar, Sejdo Harka, takohemi shpesh. Arsyet janë të ndryshme. Por, fillestarja e tyre është, se ka shumë vite që njihemi, pasi na ka bashkuar gazeta jonë e dashur, “Mësuesi”. Aty kam bashkëpunuar që në numrin 2 të saj, pra nga shtatori i vitit 1961, kur u caktua kryeredaktor i parë, pedagogun im i paharruar, prof. Bedri Dedja-Akademik. Më tej, pandërprerje, kam shkruar për çështje të ndryshme të arsimit, kulturës, shkencës etj. Ndëra në vitet 1982-2002, shërbeva aty me detyrën e redaktorit. Bashkapunëtorët tanë i kishim të shumtë. Por, njëri ndër më aktivët dhe të rregulltit, ishte mësuesi nga fshati Zhepovë i Përmetit, Sejdo Harka. Në vendlindje ai shërbeu edhe drejtor shkolle e inspektor arsimi. Për punë të mirë, e nderuan me dekoratën “Naim Frashëri”.

Kështu, vitet rodhën e që nga ajo kohë e shkuar, pothuajse, nuk i kemi shkëputur lidhjet tona miqësore. Një ndërprerje disavjeçare ishte periudha, kur ai shkoi emigrant në Greqi, si mjaft kolegë e miq dhe të njohur tanë. Por, më vonë, Sejdo u rikthye në vendlindje dhe pastaj në Tiranë, familjarisht, kur e caktuan kryeredaktor të “Mësuesit”. Më pas, e kërkuan drejtor të një shkolle jopublike, në kryeqytet, ku punoi me aftësi profesionale, për disa vjet radhazi. Në vazhdimësi, ai shërbeu edhe në dy shkolla të tilla jopublike. Ndërsa, në këtë vitit arsimor, jep mësim në një shkollë tjetër të mesme, gjithshtu e këtij lloji.

Nga e djathta (lart): B. Xhama, S.Harka, M. Gecaj dhe (ulur): V.Kona e S.Hasko

2.

Në tërë këto vite, që përmenda më lart, miku ynë Sejdo nuk i ka ndërprerë bashkëpunimet me shtypin e shkruar dhe atë elektronik, sidomos për çështjet aktuale, arsimore e pedagogjike, shoqërore etj. Firmën e tij e gjejmë në mjaft shkrime të publikuar, jo vetëm në revistën e tanishme “Mësuesi”, por edhe në gazeta të tjera ditore ose jo, si në “Drita”, “Republika”, “Tirana Observer” e “Ballkan”; në revistat “Kultura Popullore”, “Perla” etj. Bile, “personazh” të botimeve të tij më ka bërë edhe me mua, me një shkrim, që e kishte titullin e nxjerrë nga dy vargje të mikut tonë të përbashkët, shkrimtarit Bardhyl Xhama, “Murat Gecaj nga Tropoja,/ burim fjala e mjaltë goja”. Sigurisht, e kam falënderuar përzemërsisht për shprehjet e tij dashamirëse për mua, në atë shkrim. Por, përgëzime e falënderime të tilla, ai ka marrë edhe nga njerëz të tjerë, për të cilët ka shkruar bukur e me pasion. Ja, kujtoj këtu që, vitin e kaluar, Sejdo botoi shkrim për një libër të personalitetit të madh të letrave shqipe, Dritëro Agolli. Ky e kishte lexuar çfarë ishte shkruar për të, ishte interesuar për numrin dhe e kishte marrë vetë në telefon, këtë autor. Sejdo më ka treguar, se fjalët e Dritëroit kishin qenë me nota vlerësuese mjaft të larta dhe e kishte falënderuar përzemërsisht për analizën e bërë, për atë libër të tij. Sigurisht, shembuj të ngjashëm mund të sillnim dhe të tjerë.

Nuk dua ta anashkaloj këtu faktin, në këtë skicë-portret të shkurtër të Sejdo Harkës, se ai është gjithnjë i pandarë edhe në një bashkësi shoqërore, të pagëzuar nga vetë ne, “Kompania lëvizëse”. Në të, jemi “anëtarësuar” disa kolegë e miq, kryesisht, që kemi shërbyer në gazetën “Mësuesi”. Ndër ta, kanë qenë ose janë publicistët e shkrimtarët: i ndjeri Skënder Hasko, Bardhyl Xhama, Viron Kona, Vjollca Spaho e Andon Andoni e të tjerë. Në takimet e përbashkëta, kryetemë e bisedave tona janë shkrimet e librat tanë, vitet e bashkëpunimit dhe të punës në gazetën e revistën “Mësuesi” etj. Por, me raste, në shoqërinë tonë kanë ardhur “kandidatë” edhe kolegë e miq të tjerë, si: Pajtim Bejtja, Kozeta Hoxha, Gjovalin Shkurtaj, Pandeli Koçi, Përparim Hysi, Fran Gjoka, Ibrahim Hajdarmataj, Kadri Tarelli, Nuri Dragoi, Zyhdi Dervishi e Bashkim Saliasi dhe deri te publicistët e shkrimtarët shqiptarë, me banim në Boras të Suedisë, Sokol Demaku e Bahtir Latifi.

3.

Kur shërbente në rrethin e Përmetit, Sejdo Harka kishte shkruar e publikuar dy libra të vlefshëm profesionalë e metodikë: “Në ndihmë të mësuesve” dhe “Figuracioni në këngët e popullit përmetar”. Më pas, nuk iu dha mundësia të botonte më libra. Ndërsa tani, ka disa kohë që ky mik i yni është përfshirë nga një merak profesional, pra që lidhet me publikimet e tij në shtyp. As vetë ai nuk e di numrin e saktë, por gjatë jetës ka shkruar me dhjetëra e qindra artikuj, si në gazeta dhe revista periodike. Ata janë të gjinive e llojeve të të ndryshme, si portrete, skica, reportazhe, recensione librash, biseda etj. Deri tani, nuk i është dhënë asnjëherë mundësia që, disa prej tyre, t’i tubojë në një libër të veçantë. Ndërsa, para pak muajësh, ai e nisi punën në këtë drejtim dhe, pothuajse, i ka gati disa shkrime të tillë, për t’i botuar në një libër. Por, siç e dinë ata, që janë autorë librash, kjo gjë ka disa punë paraprake, si: përzgjedhja e shkrimeve më të arrirë, ndarja e tyre sipas autorëve ose tematikave etj. Kështu, nuk, kemi “shpëtuar” as ne, disa nga miqtë e tij më të afërt, që të mos marrim pjesë në konsultime ose shprehje mendimesh, për këtë gjë. Kryesorja është, se ne na gëzon fakti që, pikërisht në përvjetorin e 66-të të ditëlindjes së tij, ai libër do ta shohë dritën e botimit. Por jemi të sigurtë që, pas atij, do të vijnë edhe libra të tjerë, gjithashtu, me emrin e tij në ballë.

4.

Nuk di nëse do ta kishim marrë vesh, që Sejdo Harka ynë, tanimë, u bë me dy 6-ta në jetën e tij, po të mos bëhej për këtë gjë “shkaktare”, mbesa e vet, Emi. Pra, nga ngarkesa e punëve ditore, ai sikur e kishte “harruar” këtë datë të shënuar për të. Në ceremoninë modeste familjare, për kënaqësinë e të dyve, ajo kishte sjellë një buqetë me lule të freskëta e ia dhuroi, bashkë me një përqafim e puthje të ngrohtë. Por, me këtë rast, Emi edhe e kishte “qortuar” sadopak, me këto fjalë të sinqerta: “O, gjyshi, Sejdo, po ti, a do ta shkuash një libër për mua? Se unë e kam lexuar librin, që ka shkruar xhaxhi Murati, për mbesën e tij të dashur, Dorelën…”. Ndoshta, “kritika” dashamirëse e mbesës, do ta bëjë Sejdon qënjë ditë të ulet e të nisi që të shkruajë dhe t’ia kushtojë asaj një libër të bukur.

Në një takim për kafe, ku ishim bashkë me Vironin e Sejdon, ky i fundit u përpoq që t’i “ndreqte”, sadopak, vitet e jetës së tij, siç bëjmë me shaka dhe ne, të moshuarit e tjerë. Por, fatkeqësisht, nuk arriti dot që të bënte gjë, për të qenë. Ngado, që i rrotullonte ata dy numra 6, përsëri shifra e jetës së tij i dilte po e tillë: 66!? Pra, ne nuk mund ta ndihmonin dot dhe as ishim “fajtorë” për këtë gjë!…(ha,ha,ha).

…Ne fund të kësaj skice-portret, ku mund të shkruaja edhe mjaft radhë të tjera, për kolegun dhe mikun e mirë përmetar, Sejdo Harka, po përpiqem që t’i përmbledh edhe mendimet e ndjenjat dashamirëse të të gjithë kolegëve e miqëve të panumërt të tij: “Shumë urime për ditëlindjen, i dashur Sejdo! Jetëgjatësi, shoqëruar me shëndet të plotë dhe krijimtari sa më të frytshme; me gëzime e lumturi, vetjake dhe familjare!”

Tiranë, 3 shkurt 2015

 

Brikena Qama:

Inagurohet Qëndra Kulturore Shqiptare në Athinë

DERI DJE ËNDËR – SOT REALITET

Nga: Brikena Qama

Ditën e shtunë, më dt. 24 Janar- 2015, në orën 12:00 u inagurua Qëndra Kulturore Shqiptare në Greqi që ndodhet në adresën Kapodhistriu 38 & 3 Septemvriu, pranë sheshit Omonia, në Athinë.

Merrnin pjesë Ambasadori i Republikës së Shqipërisë në Athinë, Z. Dashnor Dervishi, përfaqësues nga Bashkia e Athinës, përfaqësuesi i Partisë “KINIMA”Mihalis Kahimakis, nga Periferia e Atikës Ilias Xronopulos, Drejtoresha e UNESCO-s për Pireun dhe ishujt Gjeorgjia Parasko, Presidenti i veteranëve të Olimpiakosit Nikos Sidhiropulos, përfaqësues nga fondacioni “Nermin Vlora Falaski”, . perfaqësues i minoritetit grek, Jorgo Triha, ndermjetësi kulturor pranë Periferies së Atikës Fatos Malaj, ish-kryetarët e Federatës Z. Novruz Abilekaj, Z. Jovan Mëhilli e Z.Ilia Thaka si dhe drejtues e anëtarë të shoqatave anëtare në Federatë.

Gjithashtu nxënës te klasave të mësimit plotësues të gjuhës shqipe, asaj angleze e greke, grupi “Zëri i Vendlindjes” , grupi i valleve “Shqiponjat”, futbollistët e Kombëtares së Komunitetit e dashamirës të Federatës që patën dëshirën dhe mundësinë të shohin nga afër këtë arritje të sajë.

Veprimtaria u ndoq nga gazetarët e shtypit te shkruar dhe viziv shqiptar, Robert Goro, Kujtim Vani, Ilia Poci , Ilia Thaka, Abdurrahim Ashiku.

Në një atmosferë vërtet festive Ambasadori i Republikës së Shqipërisë në Greqi z. Dashnor Dervishi i shoqëruar nga Krye tari i Federatës së Shoqatave Shqiptare në Greqi z. Etmond Guri, preu shiritin e inagurimit të Qëndrës Kulturore Shqiptarë në Greqi të servirur nga dy fëmijë të veshur me kostume tradicionale shqiptare.

Ky moment u shoqërua me brohoritje, duartrokitje, urime ,fotografi takime e përqafime. Ky moment bëri realitet ëndrrën shumëvjeçare të gjithë shqiptarëve për të patur një vatër të kulturës shqiptare në Athinë. Ky moment la pas epokën e përpjekjeve për realizimin e kësaj ëndrre dhe i hapi rrugë të reja zhvillimit dhe prezantimit të kulturës shqiptare në Greqi.

Në vazhdim një prezantim i ambienteve të Qendrës Kulturore për të pranishmit nga Kryetari i Federatës së Shoqatave Shqiptare në Greqi z.Etmond Guri, duke filluar me klasën e gjuhës shqipe. Fëmijët e kësaj klase përshëndetën më vjersha ndërsa mësuesja e tyre Amarda Ekmekçiu i prezantoi ata me kënaqësinë dhe krenarinë që mund ta ketë një mësuese kur dëgjon dhe shijon punën e saj për gjuhën e ëmbël shqipe.

Në sallën e veprimtarive, Zj. Elona Gjergo bëri një prezantim të aktiviteteve të shumëllojshme që zhvillohen në Qëndrën Kulturore Shqiptare.

Kryetari i Federatës ,z. Etmond Guri pershëndeti uroi, falenderoi të gjithë kryesinë që ai drejton për punën e bërë në realizimin e qëllimit dhe u shpreh: “ Jam me fat që jam unë Kryetar në këtë moment historik kur ne, së bashku, inagurojmë Qëndrën Kulturore Shqiptare në Greqi”.

Ambasadori i Republikës së Shqipërisë në Athinë z. Dashnor Dervishi pas urimeve dhe kënaqësisë së prezencës, përgëzoi Federatën dhe gjithë stafin drejtues të saj që arritën më në fund të bëjnë ëndrrën realitet dhe sidomos më këtë mënyrë, pra duke e realizuar vetë. Kështu ka shumë më shumë vlerë. Kjo tregon që ju punoni shumë e mundeni shumë . Me këto fjalë z. Dervishi, mbylli fjalën e tij përshëndetëse.

Përfaqësuesi i partisë “KINIMA”, z.Mihalis Kahimakis pasi uroi dhe falenderoi për ftesën, shprehu kënaqësinë e pranisë së tij në inagurim, falenderoi për kontibutin e dhënë në ekonominë dhe shoqërinë greke të komunitetit shqiptar në Greqi dhe u shpreh se në të ardhmen kjo Qëndër Kulturore që sot inagurohet, do të ndihmojë në prezantimin më të mirë të kulturës shqiptare tek ne. Në vazhdim ai lexoi përshëndetjen e Kryetarit të partisë “KINIMA” z. Jorgo Papandreut ku ndër të tjera thuhej:

“Me rastin e çeljes së “Qendrës Kulturore Shqiptare”, dëshiroj t’ju dërgoj një përshëndetje të ngrohtë. Është e mrekullueshme që shoqatat tuaja të kenë një shtëpi të përbashkët, një vatër për kulturën dhe artin. Kultura dhe arti i mbajnë gjallë rrënjët tona si dhe krijojnë mundësi për t’u takuar dhe shkëmbyer mendime.

Greqia dhe Shqipëria kanë lidhje të ngushta historike dhe miqësi të ngushtë tradicionalisht. Ju, qytetarët që erdhët nga Shqipëria në vendin tonë, jeni një forcë e veçantë, e fuqishme dhe shumë produktive e shoqërisë tonë. Shumë herë ju u patë me mëdyshje dhe paragjykime. Por, duke punuar fortë, me meritë ia dolët të fitoni një vend në atë që ju e quani Mëmëdheu i Dytë. Sot, në këtë kohë krize është shumë i rëndësishëm kontributi juaj ekonomik në jetën e vendit”.

Drejtoresha e UNESCO-s, Zj. Gjeorgjia Parasko, uroi dhe shprehu besimim se tashmë jepet mundësia që të njihet dhe më mirë kultura shqiptare për të cilën, për fat të keq dhe për fajin tonë, nuk njihet aq sa duhet. “Kam vënë re në veprimtaritë tuaja që keni këge e valle shumë të bukura, kostume të shkëlqyera, muzikë e gjuhë shumë të bukur e interesante, kemi dhe shumë të përbashkëta por dhe të veçanta ndërmjet dy kulturave, të cilat duhen zbiriluar e nxjerrë në pah…”, u shpreh ajo.

Më pas, përshëndeti dhe përfaqësuesi i drejtorisë së periferisë së Atikës, Z. Ilias Xronopulos. Në fjalën e tij përveç përgëzimeve e urimeve, theksoi bashkëpunimin e shkëlqyer ndërmjet Federatës dhe drejtorisë të cilën ai drejton dhe shprehu gatishmërinë e tij për të qënë gjithmonë pranë komunitetit shqiptar në Greqi.

Z. Novruz Abilekaj, kryetari i parë i Federatës, përshëndeti duke thënë moton e këtij inagurimi: “ Ishte ëndërr, u bë realitet”!

Pas fjalëve përshëndetëse rradhën e morën tingujt e çiftelisë dhe zërat e mrekullueshëm të grupit “Zëri i Vendlindjes”, të cilët shoqëruan deri në fund atmosferën festive të inagurimit.

Ta gëzojmë, pra, Qëndrën tonë Kulturore!

T’i gëzojmë këto ambjente ku mësohet gjuha shqipe,gjuha angleze dhe ajo greke nga rreth 200 nxënës, pa asnje kosto. Ku bëhen promovime librash e mbremje poetike, ekspozita pikture e prova teatrale, ku tingëllon melodia e çiftelisë si në bjeshkë dhe zërat melodiozë të këngës labe, ku të rinjtë shqiptarë mësojnë e shfaqin vallet e bukura shqiptare, ku është një bibliotekë me mbi 1000 libra kryesisht të autorëve shqiptarë në Greqi dhe ku gjejnë strehë gjithë shoqatat anëtare të Federatës së Shoqatave Shqiptare në Greqi.

Urime Z. Etmond Guri!

Urime, gjithë kryesisë së FSHSHG-së për punën e tyre!

Për FSHSHG

Zëdhënësja e shtypit

Brikena Qama

 

Valentina GJONI: Emigranti qё vendos tё kthehet nё Shqipёri pas 15-viteve emigrim

Emigranti qё vendos tё kthehet nё Shqipёri pas 15-viteve emigrim

Valentina  GJONI


Ёshtё vёrte tbukur kur dёgjon pёr tё rinj shqiptarё qё vendosin tё kthehen nё Shqipёri pas shumё viteshe migrim, kthehen me projekte pёrpunё, me dёshirё dhe optimizёm pёr tё rrealizuar gjёra tё bukura e interesante nё vendin tonё. Kёsaj rradhe takohemi  me njё djalosh shqiptar Saimir Hoti nga njёfshat i rrethit tё Shkodrёs qё ka vendosur tё kthehet nё Shqipёripas 15-viteve tё gjata si emigrant. I ushqyer me idenё e punёs dhe entuziazmin pёr tё rrealizuar diçka tё veçantё nё Shqipёri  ai duket sikur e ka gjetur momentalisht tё ardhmen.

Ёshtё i nteresante ajo çka ai tregoi pёr ne : Kamrreth 2-vite qё jam kthyer nё Shqipёri dhe kam filluar njё aktivitet tё thjeshtё, kёtu ndihem mirё, s’ka si shtёpinё tёnde! Kam terrenin tim dhe kam kultivuar bimё tё ndryshme qё janё tёrheqёse pёr zhvillimin dhe prodhimin e kёrmidhit. “Mbasemund t’juduketinteresante” - vazhdoi ai, “por unё pёrpiqem qё tё kem njё prodhim tё bollshёm nё terrenin tim! Kam emigruar qё kurisha 17-vjeç , nё fillim nё Greqi e pastaj nё Itali, krejt rastёsisht u njoha me njё djalё nё Romё qё eksportonte kёrmij nga jugu i Italisё pё rnё Francё (Paris). Ai mёtregoi se atje ishin tё interesuar pёr kёrmidhin dhe bёhej biznes, sepse i pёrdornin pёr tёkrijuar prodhime tё ndryshme farmaceutike, kreme pёr fytyrё, shampo, kreme pёr trup etj, nё fabrika me emra nё fushёn e kozmetikёs si “L’Orèal”,“GARNIER” etj . Nё fillim tek mё tregonte mendova se ishte njё shaka por kur pashё vёrtet se bёhej fjalё pёr njё kontratё tё mirёfilltё mbeta i befasuar dhe mendova tё bёj tё njёjtёn gjё edhe unё meqё kam njё terren tё madh qё mё lejon tё bёj njё punё tё tillё “- (e buzёqesh ndёrsa mё tregon). ”Jam kthyer nё Shqipёri dhe jam shumё i kёnaqur, natyrisht kёrkon punё e impenjim por e bёj me pasione dhe kundrejt njё page qё mё jep sodisfacion e pastaj nё bazё tё kontratёs qё kemi bёrё,unё arrij tё siguroj njё sasi kёrmidhi, nё bazё tё sasisё paguhem e kёshtu ka filluar tё eksportohet nga Shqipёria nё Francё “ – tha ndёr tё tjera Saimiri.

Nё bazё tё asaj çka Saimiri na tregoi dhe nga njohuritё qё kemi, arritёm nё konkluzionin se: Pёshtyma(sekrezioni) i kёrmidhit ka njё substancё ushqyese e rigjeneruese pёr lёkurёn. Kjo substancё ёshtё e pasur me acid glikolik, vitamina, proteina e kolagjene qё janё bazё pёr idratimin dhe mbrojtjen e lёkurёs, sidomos tё lёkurёs sёthatё. Pikёrisht kjo pjesё e kёrmidhit arrin tё ketё njё konkurim nё tregun e merkatёs pёr prodhime kozmetike.

U larguam tё mahnitur pёr atё çka ai na tregoi, e falenderuam dhe i uruam suksese nё aktivitetin dhe zgjedhjen e tij. Jo vetёm pёr kёtё djalosh, por pёr çdo Shqiptar respekt e mirёnjohje,pёr tё gjthё ata qё kontribojnё me sa munden nё ndёrtimin e njё tё ardhmjeje tё mirё nё Shqipёri.

Dergoi per botim :GJIN MUSA

 

Kristjan Dukaj:Vlerat e shekullit 21-një

Kristjan Dukaj

Vlerat e shekullit 21-një

Edhe pse jetojmë ne shekullin e teknologjisë, shekullin ku truri ynë është i kontrolluar nga teknologjia, ende ekzistojnë disa gjëra që shkenca, teknologjia nuk mund tu përgjigjet. Nëse një Mocart, arriti të bëhet i pavdekshëm pa këtë teknologji moderne, a do ta kishte arritur ai këtë në shekullin 21 ? Edhe pse teknologjia ka arritur një kulm të paimagjinueshëm, ende nuk kemi një Mocart të ri. Shekulli në të cilin jetojmë po na jep gjithçka përveç trurit. Atë e kemi lënë të flejë. Mbizotërimi i teknologjisë, bën që truri ynë të qëndrojë pasiv. Largimi nga leximi dhe nga natyra e gjallë është duke shkatërruar njerëzimin. Sa e dobishme aq edhe e dëmshme.

Po kthehem pak tek Mocarti, i cili vdiq në moshën 35 vjeçare. Ishe një njeri që bëri një revolucion në mbarë botën. Vetëm në moshën 6 vjeçare filloi të dalë nëpër skenat evropiane. Edhe pse pa ndonjë teknologji të përsosur, truri dhe aftësitë e tija arritën që të shkaktojnë një bujë në mbarë botën. Aftësitë e tija, bënë që edhe sot, në shekullin 21 ku muzika moderne është duke kapërcyer çdo kufi, Ai ende qëndron i pavdekshëm sa i përket vlerave të muzikës klasike. Dëshira për të prekur majat, ishin të paimagjinueshme për të. Ndërsa sot, jetojmë në një dhomë në të cilën jemi të rrethuar nga teknologjia dhe bota moderne. Mirëpo, sa e dëmshme është kjo dhomë ? Edhe pse sot, mundësitë për të arritur majat janë shumë më të lehta, sepse përdorimi i rrjeteve sociale, portaleve të ndryshme, i jep mundësi çdo njeriu që të jetë pjesë e botës. Bota, është bërë një fshat i vogël falë elementeve të lartë përmendura. Mirëpo, sipas shumë mendimtarëve që merrem me marrëdhëniet ndërkombëtare, teknologjinë, e shohin si faktor të domosdoshëm, i cili ndihmon në zhvillimin dhe avancimin e njerëzimit. Ata gjithashtu, tregojnë se fakti që një informacion mund të përhapet në mbarë botën për pak minuta, e bën botën më të sigurtë. Një luftë, me të cilën shkrimtarët ballafaqohen çdo ditë, është fakti se, interneti (teknologjia) është duke zëvendësuar librin. Pothuajse në çdo intervistë që jep një shkrimtarë, nuk i largohet edhe kësaj çështje, duke bërë cekur që libri nuk mund të zëvendësohet dhe duke bërë apel tek shoqëria që ta përdorin teknologjinë, por mos ti harrojnë vlerat që kanë qenë thelbi i këtij civilizimi .

Andaj, le të mendojmë se ku jemi duke shkuar, e këtë gjë më së miri mund ta shohim duke shikuar të kaluarën e njerëzimit, duke parë që në atë të kaluar, janë vërë themelet e këtij civilizimi. Duhet shikuar, se në atë të shkuar kanë lindur emrat më të mëdhenj të historisë. Le të mos e harrojmë këtë fakt, të jetojmë në botën moderne, por me vlerat e të kaluarës. Sepse një shoqëri, që harron vlerat e të kaluarës, ka varrosur të ardhmen.

 

Murat Gecaj :KONFERENCË SHKENCORE, NË NDERIM TË AKADEMIKUT SHABAN DEMIRAJ

Në 95-vjetorin e lindjes:

KONFERENCË SHKENCORE, NË  NDERIM  TË AKADEMIKUT SHABAN DEMIRAJ

Nga: Prof. Murat Gecaj

publicist e studiues-Tiranë

images

Sot paradite, në mjediset e Ministrisë së Arsimit dhe Sporteve, në kryeqytet,  Akademia Shqiptare e Shkencave dhe Arteve & Shoqata e Gjuhësisë Shqiptare, organizuan Konferncën përkujtimore, “Shaban Demiraj, figurë e shquar e shkencave albanologjike dhe e arsimit tonë kombëtar”, me rastin e 95-vjetorit të lindjes së tij. Merrnin pjesë akademikë e profesorë, studiues të fushave të ndryshme, përfaqësues të institucioneve kërkimore e studimore, nga media e shkruar dhe ajo elektronike etj. Ishin të pranishëm edhe studiues të njohur nga Kosova e Maqedonia.

Në emër të organizatorëve, fjalën e rastit e mbajti kryetari i Akademisë  Shqiptare të Shkencave dhe Arteve, Limos Dizdari. Në përgjithësi, ai evidentoi vlerat shumëplanshe të Akademikut të ndjerë, prof. Shaban Demiraj, “Nderi i Kombit” e “Mësues i Popullit”, personalitet shumë i njohur në fushën e arsimit të lartë dhe të shkencave albanologjike shqiptare.


Duke hapur tubimin, Limos Dizdari

Pastaj, sipas programit të hartuar, i paraqitën punimet e tyre disa studiues, të cilët kishin në qendër te temave të tyre, studimet dhe botimet e shumta të prof. Shaban Demiraj, një pjesë e mirë e të cilave kanë qenë e mbeten pasuri e vyer edhe për brazat e studentëve dhe pedagogëve tanë të shkollave të larta.  Kështu, prof. Emil Lafe lexoi temën e  përgatitur në bashkëpunim me Remzi Nesimin (nga Shkupi), “Akademiku Shaban Demiraj, dijetar i shquar dhe me ndikim të gjerë, për zhvillimin e gjuhësisë shqiptare”. Përveç mjaft librave, me autorësinë e tij, vetëm në revistëne “Studime filologjike” ai publikoi 50 punime shkencore, të cilët janë me mjaft interes.

Studiuesit nga Vlora, prof. Nexhip Mërkuri e prof. Bardhosh Gaçe paraqitën para të pranishmëve temat e tyre: “Gjuhësia e përgjithshme dhe këndvështrimet bashkëkohore, për Epirin e Mesapët” dhe “Ndihmesa e Shaban Demirajt në studimin e letërsisë shqipe”. Më tej, Viktor Bakillari lexoi punimin e hartuar me Kujtim Kapllanin, “Nderimi i prof. Shaban Demirajt për albanologët e ndryshëm evropianë” dhe prof. Rami Memushaj, “Ndihmesa e prof. Shaban Demirajt për ilirësinë e Epirit”.

Nr

Pamje nga salla, ku u zhvillua veprimtaria…

Të ftuarit e kësaj Konference ndoqën me interes të posaçëm temat e lexuara nga studiuesit, që kishin ardhur nga Shkupi: “Ndihmesa e prof. Shaban Demirajt për afirmimin e letërsisë arbëreshe”(nga Zeqirja Neziri) dhe “Vepra e prof. Sbaban Demirajt “Gjuhësia Ballkanike”, një shembull për ballkanistikën”(nga Zeqirja Ibrahimi).  Gjithashtu, u paraqitën tema të tjera,  nga studiuesit e Universitetitë të Shkupit: Mirushe Hoxha “Rreth trajtimit të mënyrës dëshirore, në studimet e prof. Shaban Demirajt, për morfologjinë historike të shqipes”; Valbona Toska, “Çështja e rimarrjes së kundrinës, në veprën “Gjuhësia ballkanike”, të prof. Shaban Demirajt” dhe Asllan Hamiti, “Ndihmesa e prof. Shaban Demirajt për ballkanologjinë”. Ndërsa nga Universiteti i Tetovës, Mustafa Ibrahimi lexoi punimin e tij, “Shaban Demiraj, për eposin arbëresh dhe për rëndësinë e gjuhës arbëreshe”.

Vëmendjen e të pranishmëve në këtë Konferencë, e cila u shoqërua me pamje filmike nga jeta dhe veprimtaria e begatë shkencore e pedagogjike e Akademikut Shaban Demiraj, e tërhoqi edhe punimi, që paraqiti Mario de Matteis, nga Universiteti i Bohumit, në Gjemani.

Pjesëmarrësit e kësaj Konference, në nderim të jetës dhe veprimtarisë së prof. Shaban Demirajt-Akademik,  i vazhduan bisedat e tyre në koktejin e shtruar me këtë rast.  Tërë veprimtaria ishte mbështetur nga MAS dhe Shtëpia Botuese “Albas”.

Në fund, dëshirojmë të shtojmë se botimi në një libër të veçantë i këtyre punimeve, që u lexuan në këtë Konferencë përkujtimore, do të pritej me interes nga studiues të ndryshëm, pedagogë e studentë dhe njerëz tjerë të interesuar, si brenda e jashtë vendit tonë.

(Fotot nga: M.Gecaj)

Tiranë, 24 janar 205

 


Faqe 17 nga 104

Newsflash

                                                       Gjurmë në kohë dhe hapsirë

Në radhën e krijuesve tanë tashmë të afirmuar në vend dhe botë hyn edhe piktori akademik ynë i mirënjohur Shyqri Gjurkaj, me punë dhe banim të përkohshëm qytetin Växjö të Suedisë.

Shyqri Gjurkaj  i cili deri më tash ka ekspozuar mbi qindra ekspozita në galeritë më të  njohura në qendra të ndryshme të Suedisë, të Evropës dhe të SHBA-së është emër i njohur për artdashësit shqiptar por edhe ata suedez.

Në Suedi, akademik Shyqri Gjurkaj tani më është bërë emër i njohur për dashamirët e arteve figurative.  Për punën e tij krijuese, për cilësinë dhe vlerat artistike që ai sjellë, deri më tani ai është çmuar shumë nga vizitorë, ekspert të arteve figurative, po edhe nga shtypi dhe nga kritikët e artit si në Suedi njashtu edhe në atdhe ku edhe ka fillimet e tij në art.
Në qytetin suedez Ljungby më 7 janar 2012 në të ashtuquajturën Galeri “ Ram och Glas – in” në pranin e shumë bashkëkombësve si dhe mysafirëve vendas nga qyteti Ljungby u bë hapja e ekspozitës me titull ”Spår i tid och rum”. Ishin të pranishëm edhe shumë  anëtarë të kryesisë së SHSHAKSHS së bashku me kryetarin e saj Hysen Ibrahimin, të cilët e madhështuan këtë evenemang.

 

Këtu janë të ekspozuara punimet e Shyqri Gjurkajt edhe pse njëkohësisht nga data 4 janar Shyqriu  është prezent edhe në një ekspozite tjetër në kryeqytetin Polak Vashave me disa koleg të tij suedez. Kjo ekspozitë do të jetë e hapur  deri në shkurt  të këtij viti dhe pritet që të vizitohet  nga shumë vizitorë.

Në prezantimin e tij për të pranishmit në atelje piktori Gjurkaj tha mes tjerash se:”Unë notoj në një botë me art, në një botë me magji, ku përmes penës dua ta paraqes realen, atë çka njeriu e ndjen ne vetvete. Unë këtu në punimet e mia kam simbol “Gurin” dhe dikush do me pyeste pse bash gurin?

Përgjigja ime është e qartë dhe e shkurtër: “Se guri është simbol qëndrese, me gurin jam rritur, me gurin kam lozur, me gurin kam ndërtua dhe bërë çudira, pra ky është simbol qëndrese. Këtë do e argumentoj me një thënie popullore “I fortë si guri” e a nuk është mu ky simbol qëndrese pra, se dua të them se edhe populli im ishte i fort si guri dhe përmes artit, pikturave të mia dua ta paraqes këtë dhe artdashësit të ndjejnë këtë dhe përjetojnë këtë përmes pikturës.

Piktori akademik Shyqri Gjurkaj shpreson se vizitorët të ndjejnë kënaqësi duke i shikuar punimet e tija. Shpresoj se ata do të krijojnë një bindje më të mirë për artin shqiptar dhe për popullin tonë në përgjithësi”, thotë ai.

Por është i brengosur pse bashkëkombësit tanë janë aq të pa interesuar për artin, kulturën dhe gjithë aktivitete tona kulturore në përgjithësi, ai thotë se kjo më brenë, më brengosë se ne këtu kemi intelektual, kemi njerëz të shkolluar por kjo brengosë.